Klubi Malor “Gryka e Dervenit” nga Shkupi, sonte ka zgjedhur kryesinë e re të klubit. Një ndër klubet bjeshkatare më aktive në trevat shqiptare, i cili gjithmonë ka sjellë risi në funksionimin e tij edhe kësaj radhe dëshmon angazhimin për barazinë gjinore, duke rikonfirmuar se gjinia femërore gjithmonë ka sjellë suksese në sport.
Përndryshe Laura Arifi është një ndër aplinistet e para femra në RMV, me prejardhje nga Kërçova, e cila për disa vite me radhë ka valëvitur flamurin e “Grykës së Dervenit” në të gjitha majat malore të vendit dhe rajonit.
Më poshtë postimi i plotë:
Sonte në një atmosferë festive Klubi Malor “Gryka e Dervenit” zgjodhi Kryesinë.
Me qëllim vazhdimin sa ma të fuqishëm të aktiviteteve sportive-rekreative, anëtarët e klubit njëzëri përkrahën propozimin që Laura Arifi si një bjeshkatare me përvojë ta udhëheq grupin si Kryetare në mandatin e ardhshëm. Gjithashtu u vendos që Haqim Farizi (si pjestarë i grupit Alpha i bjeshëve) të jetë Nënkryetari i Klubit.
Me këtë rast, grupi falenderoi për kontributin e saj vetëmohues Kryetaren e deritanishme Imrane Jonuzi.
Grupi ju premton ecje dhe aktivitete atraktive dhe inovative në vitin 2024!
#Urime