Drejtori i Agjencisë së Punësimit të Republikës së Maqedonisë së Veriut, Bekim Murati, së bashku me ministren e Punës dhe Politikës Sociale, Jovanka Trençevska, sot në Qendrën për Sipërmarrësi Sociale i informuan të rinjtë për mundësitë që ofron Plani Operativ për programet aktive dhe masat e punësimit për vitin 2023.
✅Në këtë aktivitet u prezantuan edhe histori suksesi nga të rinjtë që morën pjesë në disa nga masat aktive të punësimit në vitet e kaluara.
📌Drejtori Murati theksoi se për realizimin e Planit Operativ këtë vit është paraparë buxheti më i madh deri më tani, në një shumë mbi 32 milionë euro, gjegjësisht, është planifikuar të përfshihen 14.536 persona.
📌Ai u bëri thirrje të rinjve të papunë që të aplikojnë për pjesëmarrje në një nga masat aktive për punësim, e cila u përshtatet më së miri për përfshirjen më të suksesshme të tyre në tregun e punës.
✅Me këtë rast, Drejtori Bekim Murati, veçoi masën Trajnim për aftësi të avancuara të TI-së, për të cilën mbulimi i planifikuar është dyfishuar këtë vit dhe arrin në rreth 800 persona.
✅Drejtori Murati theksoi rëndësinë dhe suksesin e deritanishëm të zbatimit të Garancisë për Rininë, ku në vitin 2022 iu bashkuan 20.185 të rinj të papunë, nga të cilët 43% brenda një periudhe 4 mujore janë punësuar ose janë kyqur në njërën nga masat e punësimit të cilat e rrisin mundësinë e punësimit të tyre.