Më 10.05.2025 në ora 00:30, zyrtarë policorë të SPB Shkup kanë arrestuar F.A. (57) nga fshati Vizbegovë, Shkup. Më 09.05.2025 rreth orës 21:20, në SPB Shkup ishte raportuar se në rrugën “John Kennedy” kishte ndodhur një aksident trafiku ndërmjet një veture “Renault” me targa të Shkupit, e drejtuar nga F.A., dhe një motoçiklete “BMW”, gjithashtu me targa të Shkupit, e drejtuar nga A.C. (25) nga Shkupi.
Në aksident, motoristi ka pësuar lëndime të rënda trupore, të konstatuara në Kompleksin e Klinikave “Nënë Tereza” në Shkup. Me urdhër të prokurorit publik, në vendin e ngjarjes është kryer ekspertizë nga ekipi hetues i SPB Shkup. Shoferi i veturës “Renault” është arrestuar dhe në konsultim me prokurorin publik, ndaj tij do të ngrihet kallëzim penal në procedurë të përshpejtuar.