Roboti “Superman” vrapon më shpejt se Usain Bolt, por ‘harron’ të ndalojë

Një robot humanoid i kompanisë kineze ‘Unitree Robotics’ po bën xhiron e rrjetit pas një demonstrimi spektakolar, ku kompania pretendon se makineria ka arritur një shpejtësi maksimale prej 12.66 metra për sekondë, ose rreth 45.6 km/h.

 

 

Shifra është veçanërisht e bujshme për një robot me dy këmbë, pasi është më e lartë se shpejtësia kulmore prej rreth 12.42 m/s e Usain Bolt gjatë garës së tij rekord në 100 metra në vitin 2009.

 

Roboti, i prezantuar me emrin “Superman”, thuhet se është zhvilluar në vetëm pak më shumë se tre muaj dhe gjatë demonstrimit ka treguar edhe aftësi për të kërcyer vertikalisht rreth dy metra.

 

 

Por ajo që ka tërhequr më shumë vëmendjen në pamje është momenti pas sprintit.

 

 

Pasi përshkon pistën me shpejtësi të madhe, roboti nis të humbasë stabilitetin dhe përfundon duke u përplasur me pajisjet në fund të pistës. Pamjet kanë shkaktuar reagime të shumta në rrjet, ku përdoruesit kanë ironizuar se roboti “di të vrapojë, por ende nuk di të ndalojë”.

 

Megjithatë, kjo shifër duhet marrë me rezervë, pasi shpejtësia prej 12.66 m/s është deklaruar nga vetë kompania dhe deri më tani nuk është verifikuar në mënyrë të pavarur. Për më tepër, krahasimi me Bolt i referohet shpejtësisë maksimale të arritur gjatë sprintit dhe jo kohës së plotë të garës 100-metërshe.

 

Pavarësisht kësaj, demonstrimi tregon se sa shpejt po përparon teknologjia e robotëve humanoidë.

 

Dhe ndërsa sot videoja po komentohet më shumë për mënyrën se si roboti përfundon sprintin, pyetja që mbetet është edhe më interesante: sa larg janë robotët nga momenti kur do të jenë në gjendje jo vetëm të vrapojnë më shpejt se njerëzit, por edhe të kontrollojnë në mënyrë perfekte çdo lëvizje të tyre?

https://www.instagram.com/reel/DcMwurokruM/?utm_source=ig_embed&utm_campaign=loading

Më të lexuara

Çmimet e reja të derivateve të naftës nga mesnata

Komisioni Rregullator për Energjetikë (KRE) në Maqedoninë e Veriut...

Lirohen çmimet e derivateve të naftës

Çmimet me pakicë të derivateve të naftës në Maqedoninë...

Kondova paguan, por mbetet në terr! Banorët kërkojnë llogari nga Komuna e Gjorçe Petrovit.

Kondova paguan, por mbetet në terr! Banorët kërkojnë llogari...

Grëçeçi mbetet pa energji elektrike, banorët kërkojnë llogari nga EVN

Banorët e fshatit Gërçeç të komunës së Sarajit po...

Pas akuzave nga BDI, flet Arben Taravari: Nuk kam pasur informacion!

Ish-ministri i Shëndetësisë, Arben Taravari, ka reaguar pas akuzave...

Përleshje e përgjakshme në një kazino në Tetovë, 2 persona përfundojnë spital

Një përleshje fizike në një kazino në Tetovë ka...

Artikuj të ngjashëm