More

    Shkolla e futbollit Saraj, pjesë e “Champions Trophy”

    Shkolla e futbollit Saraj me gjeneratën 2007 do të merr pjesë në turneun ndërkombëtarë që do të mbahet në Vjen të Austrisë prej 16-18 qershor të këtij viti. Në këtë turne marrin pjesë edhe shumë ekipe të njohura si ajo e Atletico Madrid, FC Schalke 04, Chelsea F.C. e shumë të tjera.
    Trajneri i Shkollës së futbollit-Saraj, Sherif Sherifi shprehet se ekipi i tij tashmë është i gatshëm dhe mirë i përgatitur për tu përballur me këtë sfidë.

    “Shkolla e futbollit Saraj, gjenerata 2007 gati një vit merr pjesë në garat që organizohen nga ana e Federatës së Futbollit të Maqedonisë (FFM) në Shkup dhe paraqet një sfidë shumë të madhe për faktin se në këtë organizim marrin pjesë ekipet më të mira në Maqedoni. Përveç kësaj si Shkollë e futbollit kemi marrë pjesë edhe në turne qe organizoheshin në vend dhe jashtë vendit, me ç’rast do të theksoj turneun në Vlorë që u organizua me rastin e 28 nëntorit Ditës së Pavarësisë, ditës së flamurit. Kemi marrë pjesë edhe në disa turne të tjera, por ai i cili na hapi rrugën drejt Vjenës është “Champions Trophy” që u organizua në Shkup nga Ramadani Academy. Në këtë turne siguruam pjesëmarrjen tonë në turneun ndërkombëtarë “Champions Trophy”, që siç theksova edhe më lartë mbahet në Vjen të Austrisë”, deklaroi Sherif Sherifi, trajner i Shkollës së futbollit –Saraj, sipas të cilit përballja e ekipit të tij me ekipet më të mira evropiane paraqet sfidë më vete.

    “Qëllimet dhe pritjet tona janë që ne të paraqitemi denjësisht në këtë turne dhe të kalojmë pragun e parë dhe të kualifikohemi për më lartë”, tha Sherif Sherifi, trajner i Shkollës së futbollit –Saraj.

    Saraji përball FC Schalke 04

    Djelmoshat e Shkollës së futbollit Saraj, gjenerata 2007, në këtë turne i pret një sfidë e madhe, ata do të përballen me FC Schalke 04, Roter Stern Belgrad, Altinordu Futbol Kulübü, LASK, BAAP BiH, Teamsport Zens A dhe ASV Vösendorf.

    Hapja zyrtare e turneut do të bëhet më 16 qershor, të premten pasdite ku do të bëhet prezantimi i ekipeve. Në këtë eveniment pjesëmarrjen e tij e ka paralajmëruar edhe kryebashkiaku i Vjenës.

    - Marketing -Ajsel Medica

    TË NGJAJSHMEARTIKUJ
    Rekomanduar për ju

    spot_img

    Të fundit

    Ulen çmimet e derivateve të naftës në Maqedoni

    Komisioni Rregullator i Energjetikës, i Shërbimeve të Ujit dhe i Shërbimeve të Menaxhimit me Mbeturinat Komunale i Republikës së...

    LSM: Shpenzimet për një familje në Maqedoni për muajin korrik, 60.570 denarë

    Shpenzimet minimale të një familjeje në korrik kanë qenë 60.570 denarë dhe në krahasim me qershorin janë rritur për...

    Aktivë shtatë zjarre, në 24 orët e fundit janë regjistruar 29 zjarre në ambient të hapur

    Shkup, 22 korrik – Qendra për menaxhim me kriza në mëngjes njoftoi se në 24 orët e fundit ka...

    Aksident në autostradën “Ibrahim Rugova”, tetë të lënduar

    Tetë persona kanë pësuar lëndime trupore si pasojë e një aksidenti që ka ndodhur sot në kilometrin e 40-të...