2 viktimat në ‘Gjorçe Petrov’ Shkup, dyshohet se ishin lidhur para vdekjes, hetohen ngjashmëritë mes rasteve

Dy rastet e vdekjes me shenja dhune në komunën e ‘Gjorçe Petrovit’ në Shkup kanë ngjashmëri që ngrenë dyshime nëse pas tyre qëndron i njëjti autor, raporton Skopje1, duke iu referuar burimeve pranë hetimit.

Sipas informacioneve jozyrtare, gruaja 76-vjeçare dhe burri 62-vjeçar kishin shenja dhune në trup, ndërsa dyshohet se të dy ishin lidhur para vdekjes.

Gruaja, e cila jetonte e vetme, u gjet pa shenja jete nga vajza e saj më 27 tetor. Ekipi i Ndihmës së Shpejtë konstatoi vdekjen dhe shenja të dukshme dhune. Me urdhër të prokurorit, trupi u dërgua për autopsi.

Rasti i dytë ka ndodhur më 22 tetor, kur burri 62-vjeçar u gjet i vdekur në shtëpinë e tij. Sipas burimeve jozyrtare, edhe ai dyshohet se ishte lidhur te këmbët para vdekjes.

Burimet bëjnë të ditur se në asnjërin rast nuk është përdorur armë zjarri, ndërsa dyshohet për përdorimin e një objekti tjetër. Megjithatë, këto të dhëna ende nuk janë konfirmuar zyrtarisht.

Prokuroria ka deklaruar se deri më tani nuk është vërtetuar lidhja mes dy rasteve. Ndërkohë, policia po vazhdon hetimet për të zbardhur rrethanat dhe për të identifikuar autorët e mundshëm.

Sipas informacioneve jozyrtare, një person është ndaluar në polici, por Ministria e Punëve të Brendshme nuk ka dhënë hollësi shtesë.

Më të lexuara

Çmimet e reja të derivateve të naftës nga mesnata

Komisioni Rregullator për Energjetikë (KRE) në Maqedoninë e Veriut...

Lirohen çmimet e derivateve të naftës

Çmimet me pakicë të derivateve të naftës në Maqedoninë...

Kondova paguan, por mbetet në terr! Banorët kërkojnë llogari nga Komuna e Gjorçe Petrovit.

Kondova paguan, por mbetet në terr! Banorët kërkojnë llogari...

Pas akuzave nga BDI, flet Arben Taravari: Nuk kam pasur informacion!

Ish-ministri i Shëndetësisë, Arben Taravari, ka reaguar pas akuzave...

Grëçeçi mbetet pa energji elektrike, banorët kërkojnë llogari nga EVN

Banorët e fshatit Gërçeç të komunës së Sarajit po...

Përleshje e përgjakshme në një kazino në Tetovë, 2 persona përfundojnë spital

Një përleshje fizike në një kazino në Tetovë ka...

Artikuj të ngjashëm