“SHBA planifikon takimin e Bordit të Paqes për rindërtimin e Gazës më 19 shkurt”

Shtëpia e Bardhë, sipas një raporti, po planifikon të organizojë më 19 shkurt një samit të liderëve të “Bordit të Paqes” për Gazën, me qëllim avancimin e fazës së dytë të armëpushimit në Gaza dhe mbledhjen e fondeve për rindërtimin e territorit palestinez të shkatërruar nga lufta, transmeton Anadolu.

 

Duke cituar burime amerikane dhe diplomatike, Axios raportoi se “do të mbahet mbledhja e parë e Bordit të Paqes dhe një konferencë për mbledhje fondesh për rindërtimin e Gazës”.

 

Sipas raportit, administrata e presidentit Donald Trump ka nisur kontaktet me dhjetëra shtete për të ftuar liderët dhe për të diskutuar çështjet logjistike në një takim që pritet të mbahet në Institutin e Paqes në Washington.

 

“Asgjë nuk është konfirmuar ende, por administrata po e planifikon dhe ka filluar të verifikojë se cilët liderë janë në gjendje të marrin pjesë”, i burimi për Axios.

 

Kryeministri izraelit, Benjamin Netanyahu, më 18 shkurt është planifikuar të takohet me presidentin amerikan, Donald Trump, një ditë para mbledhjes së parashikuar. Netanyahu ka pranuar ftesën e Trumpit që Izraeli t’i bashkohet bordit, por ende nuk ka nënshkruar statutin e tij.

 

Nëse Netanyahu merr pjesë, kjo do të shënonte daljen e tij të parë publike përkrah liderëve arabë dhe muslimanë që nga para sulmit të tetorit nga grupi palestinez i rezistencës Hamas dhe ofensivës pasuese të Izraelit në Rripin e Gazës.

 

Planet për samitin janë ende në faza të hershme dhe mund të ndryshojnë. Shtëpia e Bardhë refuzoi të komentojë.

Më të lexuara

Android alarmon për tërmet 6.5 ballë, Maqedonia në zonën e rrezikut – ja çfarë ndodhi

Një paralajmërim automatik për tërmet me magnitudë fillestare prej...

Gjinekologu sulmohet në ordinancë, i thyhet rruaza e qafës

Gjinekologu Dejan Ognenoviq është sulmuar më 16 shtator në...

LAJMI FUNDIT! Jakup Krasniqi niset nga Haga drejt Kosovës

Ish-kryetari i Kuvendit të Kosovës, Jakup Krasniqi, është nisur...

Apple zbulon çmimet: Iphone 18 Pro dhe Pro Max, shumë shtrenjtë

Apple është duke zhvilluar eventin “Suprizë dhe Shkëlqim”, ku...

Vritet 27-vjeçari nga Radusha në Berlin, dy autorë ende në arrati, ja detajet e para

Në orët e para të mëngjesit të së hënës,...

Rapsodit Murat Lamallarit, djemt i dhurojnë veturë luksoze për ditëlindje

Rapsodit Murat Lamallarit, djemt i dhurojnë veturë luksoze për...

Artikuj të ngjashëm