Për historinë e Shkupit janë shkruar kronika të shumta nga historianë të ndryshëm ndër shekuj, por nuk janë të rralla as rrëfimet e më të moshuarve për histori, nga të cilat disa edhe thuaja të pabesueshme për këtë nënqiell, e që kanë ndodhur jo më larg se para gjashtë dekadave, përkujton zase.mk.
Gjërat më të çuditshme që i kanë ndodhur Shkupit në periudhën e viteve 1955-1963 janë: Bora e pabesueshme që ka rënë plot 105 ditë pa pushuar, vërshimet e mëdha të vitit 1962 dhe gjithsesi ajo që te çdo shkupjan zgjon emocionet më të mëdha kur përmendet viti 1963 – tërmeti katastrofal.
Në rrethana shumë të çuditshme në dimrin e vitit 1955/56 në Shkup kaq rënë borë plot 105 ditë pandërprerë. Për këtë dimër të çuditshëm ka shumë pak informata dhe atë shumë pak banorë të moshuar të Shkupit e kujtojnë. Radioja për çdo ditë ka lajmëruar për reshje të reja bore deri në ditën e fundit të stuhisë, e kjo ka qenë dita e 105-të e dimrit të stërzgjatur 1955/56.
Burrat për çdo ditë i kanë pastruar rrugët që të mund të shkojnë në punë, ndërsa centimetrat e borës së shtresuar me çdo ditë vetëm janë shtuar. Bllagoja, tani një gjysh, edhe sot e kësaj dite e mban mend mirë këtë kohë për shkak se ka qenë i detyruar që disa kilometra ta mbajë në krahë gruan e vet atëherë të re nga lagjja e Draçevës deri te Spitali i Shtetit për ta lindur vajzën e tyre të parë.
Vërshimi i madh i Shkupit në vitin 1962
Më 16 nëntor 1962 pas reshjeve të mëdha të shiut lumi Vardar e ka vërshuar Shkupin. Lumi ka vërshuar gjithsej 5.000 shtëpi dhe pothuajse të gjitha lagjet kanë qenë nën ujë. Fatmirësisht, nuk ka pasur viktima, porse tragjedinë e vërtetë Shkupi e përjetoi një vit më vonë – më 26 korrik 1963.
Mëngjesin e asaj dite, në orën 05:17, një tërmet i fuqishëm e rrafshoi qytetin, duke marrë mbi 1.000 viktima.
