Arsimit shqiptar iu shua edhe një nga yjet e tij, sot, në moshën 82 vjeçare, për në amshim u nda njëri nga esnafi i qytetit të Shkupit, veterani i arsimit Z. Rexhep Fetahu.
Komuna e Çairit humbi njeriun i cili me paraqitjen e tij reflektonte shembëlltyrë të vlerave etike. Personalitet i cili në çdo mjedis reflektonte me energji pozitive, duke mbjellur edukatë me një sjellje dhe kulturë të lartë.
Ishte i lindur në Fsh. Llaskarcë të Dërvenit, komuna e Sarajit në Shkup.
Prindi i tij ishte artist i kohës së tij si nga interpretimi i valleve burrimore, ashtu edhe në egzekutimin dhe lojën në instrumentin e kavallëve. Aga Vebi ishte burrë ode, burrë i njohur për nga urtësia dhe pleqnar i dalluar në trevën e Dervenit.
Ngushëllime familjes, arsimdashësve, esnafit të Shkupit, trevës së Dërvenit, xhematit të xhamisë dhe banorëve të Çairit.
Varimi bëhet në vendlindjen e tij në Llaskarcë.