Shqipëria e ka mbyllur me humbje 2-1 miqësoren me Luksemburgun përpara ndeshjes së rëndësishme me Izraelin që do të luhet të dielën e ardhshme e vlefshme për eliminatoret e Botërorit “Rusi 2018.”
Kuqezinjtë edhe pse bënë një paraqitje pozitive, nuk arritën t’i “rrëmbenin” një fitore kundërshtarit.
Në pjesën të besuarit e De Biasit kanë kërkuar në disa raste golin, por nuk ia arritën dot qëllimit. Në pjesën e dytë trajneri italian filloi të bënte ndryshime në formacion dhe Shqipëria shënoi në minutën e 52-të me Odise Roshin.
Por avantazhi i kombëtares tonë nuk zgjati shumë, pasi në minutën e 63 Luksemburgu shënon golin e barazimit me anë të Turpel. Pas 11 minutash në minutën e 74 kundërshtarët dyfishojnë rezultatin me anë të Malget.
Humbja me skuadrën modeste të Luksemburgut ishte testi i hidhur për kuqezinjtë e De Biasit, të cilët të dielën do të përballen me Izraelin.
