Fshati Kopanicë i Sarajit edhe pse vetëm 2 kilometra larg burimit të ujit Rashçe, dhe 15 kilometra larg qendrës së Shkupit, akoma mbetet pa ujë për pije dhe banorët e fshatit vuajnë për këtë nevojë elementare, njofton Derveni.mk. Para disa viteve një tubacion i ujësjellësit u instalua në këtë fshat, por etja e banorëve për ujë të pijshëm nuk u shua kurrë, sepse sistemi nuk po funksionon siç duhet.
Së fundmi edhe bashkësia lokale Kopanicë ka njoftuar banorët të mos e përdorin ujin për pije sepse nuk është i kontrolluar dhe ka probleme.
Si pushteti lokal po edhe pushteti qëndror deri më tash vetëm kanë premtuar zgjidhjen e problemit, por assesi ti realizojnë premtimet. Deri sa të gjindet zgjidhje e këtij problemi, banorët do të vazhdojnë të vuajnë mungesën e ujit. /Derveni.mk