More

    Ende nuk po ndërtohen banesat sociale në Saraj

    “Gjendemi në Saraj. Pikërisht në këtë vend prapa meje në vitin 2020 ishte premtuar se do të ndërtohen banesë sociale, mirëpo kaluan dy vite dhe kjo vazhdon të ngelet vetëm një premtim”, raporton Fazile Halili, TV21.

    Për shkak shtrenjtimit të materialit të ndërtimtarisë, ndërtimet e banesave sociale në Saraj ende nuk shihen askund. Zëvendësministri i Lidhjes dhe Transportit, Bekim Rexhepi tha se për këtë shkak është bërë edhe ndërprerja e kontratës se kompanisë e cila kishte lidhur marrëveshje me Shoqatën Aksionare për Menaxhim me Banesat Sociale dhe Afariste.

    “Sa i takon banesave sociale në Saraj në shtator 2020 është hapur prokurimit për ndërtim të banesave sociale. Të gjitha pengesat juridiko-pronësore u tejkaluan dhe në Mars 2021 kontraktuesi duhej të përzgjidhej. Por për shkak të krizës që kaploi vendin dhe ngritjes së çmimeve në treg të materialeve për ndërtim, kontraktuesi me pëlqim të tij u anulua kontrata dhe ne jemi në fazë të prokurimit të ri për shkak të këtyre pengesave që i përmenda”, pohoi Bekim Rexhepi, zëvendësministër i Lidhjes dhe transportit .

    Edhe nga Shoqata Aksionare për Menaxhim me Banesat Sociale dhe Afariste, thonë se shfaqja e një vëllimi të shtuar të punës, si dhe rritja e çmimeve në periudhën e kaluar ka sjellë rrethana të paparashikuara me çka është ndërprerë kontrata e realizimit. Megjithatë nga atje shtojnë se pas prokurimit të ri ndërtimet do të nisin.

    “Pas kryerjes së prokurimit dhe përzgjedhjes së kontraktorit, duke marrë parasysh afatet ligjore, fillimi i ndërtimit është planifikuar të ndodhë më së voni deri në maj të vitit 2023. Është planifikuar që objekti të ndërtohet në një periudhë prej 18 muajsh. Objekti do të përmbajë 59 apartamente të cilat do t’u shpërndahen personave në rrezik social dhe grupeve të tjera të rrezikuara”, thonë nga Shoqata aksionare për menaxhim me banesat sociale.

    Për projektin e banesave sociale Qeveria ka ndarë 25 milionë euro dhe 25 milionë euro nga Banka Qendrore Europiane. Përveç kësaj Bekim Rexhepi apeloi te të gjitha komunat që të gjejnë hapsirë vendore për të aplikuar në shoqërinë aksionare që të ndërtohen edhe banesa tjera në komuna të ndryshme./TV21

    - Marketing -Ajsel Medica
    - Marketing -Marketing
    - Marketing -Marketing
    - Marketing -Marketing

    TË NGJAJSHMEARTIKUJ
    Rekomanduar për ju

    - Marketing -Marketing
    spot_img

    Të fundit

    Temperaturat do të shkojnë deri në 27 gradë Celsius, njihuni me parashikimin e motit për Maqedoninë e Veriut

    Në Maqedoninë e Veriut vijon periudha e motit kryesisht me diell dhe i ngrohtë, me rritje të temperaturës në...

    Xhaferi priti në takim volejbollisten Erjona Jonuzi, shqiptaren e vetme në reprezentacionin e RMV-së

    Kryeministri teknik, Talat Xhaferi sot në Qeveri priti në takim volejbollisten Erjona Jonuzin, e cila është shqiptarja e vetme...

    Florian Marku rikthehet në ring, tregon datën e meçit të madh

    Florian Marku do të rikthehet në ring të dielën e 31 marsit. Kundërshtar i tij do të jetë Chris...

    2571 shtetas të RMV në diasporë do të votojnë për president të shtetit

    Votimi në zgjedhjet presidenciale të vitit 2024, në bazë të 2571 kërkesave të pranuara të qytetarëve tanë, do të...