Ish-ministri i Ekonomisë, njëherësh anëtar i Këshilli Mbikëqyrës në Bashkimin Demokratik për Integrim, Bekim Neziri, është i pari që ka shpallur kandidaturën për kryetar të Degës së BDI-së në Çair, ndërkohë që tashmë është emëruar edhe koordinatori për zgjedhjet e brendshme në Çair, Ekrem Bunjaku.
Neziri në vitin 2015 ka qenë kryetar i Shtabit zgjedhor komunal, kurse nga viti 2014-2016, ka qenë ministër i Ekonomisë.
Është i afërt me kryetarin Ali Ahmeti, por edhe me te dy krahët në BDI-në e Çairit.
Në zgjedhjet e vitit 2020, ka qenë kandidat për deputet i Bashkimit Demokratik për Integrim në Zonën zgjedhore numër 3, në rajonin e Velesit dhe Çashkës.