Mbi 150 gypa uji kanë mbetur mbi tokë.
Këto gypa janë rrugës nga fshati Rashçe për në fshatin e Kopanicës, të Komunës së Sarajit.
Nga viti 2017 banorëve u bë me dije se do të bëhet riparimi i gypave të ujit, por sipas tyre nuk kishte nevojë meqenëse nuk kishin probleme me ujësjellësin. Ata thonë se as që kanë kërkuar një gjë të tillë.
“Shumë me vonesë jemi njoftuar, as banorët dhe as unë si udhëheqës, nuk ka pyetur askush, dhe pse janë këto gypa këtu. Ne gypat i kemi të vendosur para disa vjetëve 7-10 vjet, ujë kemi rregullisht, nuk na kanë kontaktuar neve se përse kanë ardhur këto gypa”, u shpreh Xhezmi Ademi, Nënkryetar i Bashkësisë Lokale Kopanicë.
Punimet për vendosjen e rrjetit të ri të ujësjellësit, kishin filluar para një viti.
Ndërsa tani përveç se është ndaluar puna e gypave ka lindur edhe një problem tjetër.
Banorët nuk lejojnë që rrjeti i ri i ujësjellësit të kaloj nëpër arat e tyre. Kryetari i Komunës së Sarajit Blerim Bexheti thotë se punimet janë ndalur për shkak të periudhës së dimrit, ndërsa do të vazhdojnë shumë shpejt.
“Duke pasur parasysh se kemi qenë në kohë dimri dhe realisht nuk kanë mundur që të vazhdojnë investimet dhe njëkohësisht duke pasur mirëkuptim edhe për periudhën e kohës së dimrit dhe disa problemeve pronësore juridike si dhe pjesa më e vështirë e punimeve që na kanë informuar nga ana e ujësjellësit. Pritet që tani të vazhdojnë punimet dhe që është një projekt shumë i mirë”, tha Blerim Bexheti, Kryetar i Komunës së Sarajit.
U munduam të marrim prononcim edhe nga Drejtoria e Ujësjellësit por nga atje nuk përgjgijen në pyetjen se kur do të rifillojnë punimet e lëna përgjysmë në fshatin Kopanicë.
https://m.youtube.com/watch?v=s7Sjq0zAbuQ