Presidenti i Shteteve të Bashkuara, Donald Trump ka nënshkruar një Urdhër Ekzekutiv që pezullon autorizimet e sigurisë për stafin e Covington & Burling LLP, një firmë e mirënjohur ligjore në Uashington.
Ky urdhër synon veçanërisht individët nga firma që ndihmuan Këshilltarin e Posaçëm Jack Smith në hetimet ligjore kundër Trumpit, duke përfshirë hetimet mbi dokumentet e klasifikuara dhe ndërhyrjen në zgjedhje.
Urdhri Ekzekutiv jo vetëm që revokon këto autorizime të sigurisë – duke i prerë aksesin në informacionet e ndjeshme qeveritare – por gjithashtu urdhëron një rishikim federal për të ndërprerë kontratat e firmës me qeverinë aty ku është e mundur.
Në thelb, kjo do të thotë se individët në firmën ligjore që kishin autorizime të sigurisë – për shkak punonin me raste të klasifikuara ose sensitive – tani i kanë humbur këto autorizime.
Lëvizja ndikon dhjetëra prokurorë që punuan si në çështjen e ndërhyrjes në zgjedhje nga Trump, ashtu edhe në një tjetër për mbajtjen e paligjshme të dokumenteve të klasifikuara në resortin e tij Mar-a-Lago në Florida.
https://x.com/MAGAWORLD1/status/1894509235955708100?t=miAerPamjqDDmHQvJBU1EQ&s=19
Të dyja u ngritën nga Smith. Asnjëra nuk shkoi në gjyq para se Trump të fitonte një mandat të dytë në nëntorin e kaluar.