More

    Nuk është mirë dikush të akuzohet pa fakte dhe pa bazë, deklaroi Demiri pasi Taravari i shpalosi dyshimet për keqpërdorim

    Ish-ministri i Shëndetësisë dhe ish-drejtori i Spitalit Klinik të Tetovë, Ilir Demiri, ka reaguar ndaj ministrit aktual të Shëndetësisë, Arben Taravarit, pasi ai ka shpalosur dyshimet për keqpërdorim të funksionit nga ana e Demirit, transmeton Portalb.mk.

    “Nuk është mirë dikush të akuzohet pa fakte dhe pa bazë, posaçërisht nga njeriu që drejtor institucion. Unë do të kisha thënë diçka tjetër. Në Spitalin Klinik të Tetovës, për gjashtë muaj sa e menaxhova unë Spitalin Klinik, u bë një ndryshim i madh, një revolucion pozitiv”, deklaroi Demiri.

    Ai ka kërkuar nga funksionarët që të marrin shembull punën e tij në Spitalin Klinik të Tetovës, “që të mund edhe ato të jenë  të suksesshëm”.

    “Ato në biografinë e vet kanë qenë ministra nga një vjet e dy vjet. Duhet të paktën të bëjnë një komparacion, çka kanë bërë ato e çka kam bërë unë”, deklaroi Demiri.

    Kemi indicie se ka pasur keqpërdorime prej ish-drejtorit të Spitalit të Tetovës. Kështu ka deklaruar më 15 gusht ministri i Shëndetësisë Arben Taravari. Ai këto komente i bëri pas promovimit të donacionit mbi 1 milionë euro nga Ecolog në repartin internistik në Spitalin e Tetovës.

    “Në Tetovë kemi indicie nuk e di si do të del në fund, s’dua të paragjykoj, kemi indicie se ka pasur keqpërdorime prej ish drejtorit të Spitalit Klinik të Tetovës, por na lejoni hapësirë që të dalim me dëshmi nëse kjo është e vërtetë, nëse kjo është e vërtetë, në qoftë se nuk është e vërtetë atëherë mbeten vetëm indicie”, tha Taravari.

    Ilir Demiri dhe Arben Taravari kanë qenë pjesë e Aleancës për Shqiptarët, ndërsa në zgjedhjet e këtij viti ata u pozicionuan në koalicione të ndryshme, Taravari te koalicioni VLEN, Demiri te koalicioni Fronti Europian.

    - Marketing -Ajsel Medica

    TË NGJAJSHMEARTIKUJ
    Rekomanduar për ju

    spot_img

    Të fundit

    Hiqet gjuha shqipe nga tabela në rrugën për në Kosovë, Shkup – Bllacë

    Hiqet gjuha shqipe në tabelat për në Kosovë gjegjësisht në rrugën Shkup  – Bllacë. Siç shihet në tabl janë...

    Helmohen dhjetëra kadetë në Akademinë Ushtarake

    Kadetët nga Akademia ushtarake “Gjenerali Mihaillo Apostollski” me simptoma të të përzierave dhe vjelljes, kërkuan ndihmë mjekësore në Klinikën...

    Arrestimi i ish-ushtarit të UÇK-së në RMV, Ahmeti: Duhet të përshpejtohet anëtarësimi i Kosovës në Interpol

    Kryetari i Bashkimit Demokratik për Integrim në Maqedoninë e Veriut, Ali Ahmeti, ka thënë për Ekonomia Online se duhet...

    Arrestohet shoferi i kamionit që u perfshi në aksidentin e mbrëmshëm në Gostivar ku ndërruan jetë dy persona

    MPB njoftoj se me datë 12.09.2024, në ora 21:55, zyrtarët policorë të DPB Gostivar, kanë privuar nga liria shtetasin...