Ky është lumi Treska.
Ky lumë njihet si një ndër lumenjtë më të pastër në vend.
Por, si duket edhe kësaj bukurie, në komunën e Sarajit po i vjen fundi.
Anembanë lumit po krijohen deponi të egra.
Nga mbetjet e ndërtimeve deri tek mbetjet tjera, gjithçka mund të gjendet skaj këtij lumi.
Por jo vetëm kaq, në këtë lum derdhen edhe ujërat e zeza të pa filtruara.
Banorët thonë se ky lum nuk ka qenë kështu, dhe se duhet të merren masa menjëherë për pastrim.
“Para 40-50 vjetëve ai lum ka qenë shumë i pastër, edhe nga vendet e ndryshme vinin për tu larë në këtë lum, tani asnjë nuk vjen. Sot nuk vjen askush prej shkaku i ndotjes. Mendimi im është që duhet të pastrohet.”
“Nuk ka askush se si ta bëjë, e din ata më mirë”, u shprehën disa banorë të Sarajit.
Nga komuna e Sarajit thonë se po punohet në mënyrë intensive për të gjetur një zgjidhje për pastrimin e lumit, ndërsa bëjnë apel edhe tek banorët e Sarajit që të jenë më të kujdesshëm dhe mos ta ndotin lumin.
“Deri më tani janë ndërmarr disa aktivitete për pastrimin e disa deponive, si plan aksional dhe si zgjidhje momentale, por tani jemi duke hartuar plan më strategjik dhe afat gjatë për pastrimin e deponive, por dhe mos krijimin e të njëjtave. Komuna e Sarajit dhe Ndërmarrja Publike “Saraj”, gjithë ashtu ju bëjnë thirrje qytetarëve për një vetëdije më të lartë publike në mbrojtjen e ambientit jetësor”, nga Komuna e Sarajit.
Komuna e Sarajit dhe NKP “Saraj”, tani kanë intensifikuar inspektimet dhe kontrollet në gjithë territorin e Komunës së Sarajit, madje nga kjo komunë kërkojnë bashkëpunim me qytetarët që ky problem të evitohet në të ardhmen.
Komuna e Sarajit, NKP “Saraj” dhe “Higjiena Komunale-Shkup”, kanë planifikuar një aksion më të gjerë për pastrimin e të gjitha deponive në Saraj, i cili do të realizohet ditëve në vijim.
https://youtu.be/TcgAqnn_J40
