Me rastin e festave të Nëntorit Komuna e Sarajit, organizon ekspozitën “Trevat Lindore Shqiptare gjatë shekullit XX”, dhe manifestimin kulturoro letrar “Ne, drita e Kombit”.Ky manifestim do të mbahet me 25.11.2017 te Restorant Korabi në ora 17:00 , njofton derveni.info.
Ekspozita do të përmbajë 65 pano me 211 eksponata (dokumente arkivore, fotografi, harta dhe materiale të ndryshëm ilustruese) që janë siguruar gjatë hulumtimeve disavjeçare nëpër arkivat e shteteve ballkanike (Arkivi Shtetëror i R Maqedonisë, Arkivi Qendror i Shqipërisë, Agjencioni Shtetëror i arkivave të Kosovës, Arkivi i Sllovenisë, Arkivi Shtetëror i Bullgarisë), botues i së cilës është Bashkësia Islame e Maqedonisë, që për herë të parë këto fakte dhe dokumentacione i nxori në dritë në 100-vjetorin e Pavarësisë së shtetit shqiptar.
Me rastin e 105-vjetorit të Pavarësisë së shtetit Shqiptar ekspozitën do ta prezantojë Komuna e Sarajit, duke e pasuruar me orën letrare “Ne, drita e Kombit”./derveni.info
