Kryetari i Drenasit Ramiz Ladrovci, përmes një postimi në profilin e tij në Facebooknë emër të tij dhe në emër të kryetarit të Skenderajit Bekim Jashari kanë uruar të gjithë shqiptarët në Maqedoni dhe liderin e BDI-së Ali Ahmeti për miratimin e ligjit për gjuhën shqipe.
Ladrovci në profilin e tij mes tjerash ka shkruar:
Të dashur vëllezër e motra në Maqedoni,
I dashur vëlla Ali,
Sot, me aprovimin e Ligjit për gjuhën shqipe, u shënua një përparim i madh për të gjithë, duke ngadhënjyer e drejta dhe angazhimi i pareshtur nacional Juaji për liri, barazi dhe unitet.
Gjuha jonë e bukur, nga sot, duke marrë miratimin e Kuvendit të Republikës së Maqedonisë, rikonfirmon fitoren e forcave përparimtare dhe është garanci e pjekurisë politike për këtë të arritur të madhe demokratike.
Urojmë që ky sukses i fillimvitit të jetë pjesë e mbarësisë dhe sukseseve tjera për të gjithë, në rrugën tonë të përbashkët evropiane dhe vlerave të saj,
Përgëzime vëllazërore nga Skënderaji dhe Drenasi nga Bekim Jashari dhe Ramiz Lladrovci.
