More

    Hospitalizohen dhe shtatë persona të tjerë me kollë të mirë, gjithsej 786 raste në vend

    Prej datës 14 deri më 20 qershor, janë raportuar gjithsej 41 raste të reja me pertusis, të njohur si kollë e mirë. Shumica e rasteve janë raportuar në Shkup – 31, shtatë raste janë evidentuar në Kumanova, dy në Tetovë dhe një rast në Makedonski Brod. Mosha e pacientëve sillet nga një muaj deri në 81 vjeç, ndërsa numri më i madh i rasteve janë nga grupmosha deri në katër vjeç.

    Nga rastet e reja, shtatë raste ose 17.1 për qind janë shtruar në spital, informuan pasditen e sotme nga Instituti i Shëndetit Publik (ISHP).

    “Deri më 20 qershor, në Republikën e Maqedonisë së Veriut janë regjistruar gjithsej 786 raste të kollës së mirë me një incidencë prej 42.8/100.000 banorë. Kjo paraqet një rritje të disafishtë të numrit të sëmurëve në krahasim me periudhën e kaluar pesëvjeçare – 2019-2023, kur janë regjistruar gjithsej 10 raste”, thuhet në raportin e ISHP-së.

    Shpërndarja sipas gjinisë tregon se 366 persona janë meshkuj, ndërsa 420 femra.

    Numri më i madh i rasteve janë shtruar në Klinikën universitare për sëmundje të mushkërive te fëmijët në Kozle. Mesatarisht, pacientët u shtruan në spital për nëntë ditë.

    Në rrjedhë janë dy epidemi të paraqitura në territorin e Shkupit dhe Kumanovës.

    1. Nga 18 janari deri më 20 qershor, janë dhënë gjithsej 55.143 doza të vaksinës me një komponentë kundër kollës së mirë.
    - Marketing -Ajsel Medica

    TË NGJAJSHMEARTIKUJ
    Rekomanduar për ju

    spot_img

    Të fundit

    Ulen çmimet e derivateve të naftës në Maqedoni

    Komisioni Rregullator i Energjetikës, i Shërbimeve të Ujit dhe i Shërbimeve të Menaxhimit me Mbeturinat Komunale i Republikës së...

    LSM: Shpenzimet për një familje në Maqedoni për muajin korrik, 60.570 denarë

    Shpenzimet minimale të një familjeje në korrik kanë qenë 60.570 denarë dhe në krahasim me qershorin janë rritur për...

    Aktivë shtatë zjarre, në 24 orët e fundit janë regjistruar 29 zjarre në ambient të hapur

    Shkup, 22 korrik – Qendra për menaxhim me kriza në mëngjes njoftoi se në 24 orët e fundit ka...

    Aksident në autostradën “Ibrahim Rugova”, tetë të lënduar

    Tetë persona kanë pësuar lëndime trupore si pasojë e një aksidenti që ka ndodhur sot në kilometrin e 40-të...