Forumi i gruas i VLEN-it viziton spitalin Gjinekologjik të Çairit, dhurojnë lule si shenjë falenderimi për infermieret

Në prag të Ditës Ndërkombëtare të Infermierëve, e cila shënohet çdo vit më 12 maj në mbarë botën, Forumi i Grave i VLEN-it bashkë me këshilltarën e Lëvizjes Arbëria në qytetin e Shkupit, znj. Sanije Duraku, realizoi një vizitë në Spitalin Obstetrik-Gjinekologjik “Nënë Tereza” në Çair, për të shprehur mirënjohjen dhe respektin ndaj infermiereve dhe personelit mjekësor për kontributin e tyre të jashtëzakonshëm në shërbim të qytetarëve.

Kjo vizitë u zhvillua si një akt simbolik nderimi për punën fisnike, përgjegjësinë e madhe dhe përkushtimin e përditshëm që infermieret tregojnë në përkujdesjen ndaj pacientëve, veçanërisht ndaj nënave dhe foshnjeve të sapolindura.

 

Përfaqësueset e Forumit të Grave të VLEN-it, gjatë kësaj vizite, dhuruan lule si shenjë falënderimi dhe vlerësimi për mundin, sakrificën dhe kujdesin e vazhdueshëm që këto profesioniste të shëndetësisë ofrojnë çdo ditë, shpesh në heshtje, por me një ndikim të jashtëzakonshëm në jetën e pacientëve dhe familjeve të tyre. Nga Forumi i Grave theksuan se kjo ditë është një mundësi për të rikujtuar rëndësinë e profesionit të infermierisë dhe për të vënë në pah kontributin e madh që infermieret japin në ruajtjen dhe përmirësimin e shëndetit publik.

Drejtoresha e Spitalit Obstetrik-Gjinekologjik “Nënë Tereza”, Dr. Meral Uzeiri Ferati, falënderoi Forumin e Grave të VLEN-it për vizitën dhe vlerësimin e treguar ndaj infermiereve.

 

“Ky gjest, sado simbolik, ka një domethënie të madhe për infermieret tona, të cilat çdo ditë japin maksimumin e tyre në kujdesin ndaj nënave dhe foshnjeve të sapolindura. Përkushtimi, profesionalizmi dhe humanizmi i tyre janë themeli i punës sonë të përditshme dhe ne jemi krenarë për secilën prej tyre. Vlerësimi dhe mbështetja ndaj këtij profesioni janë motivim shtesë për të vazhduar me të njëjtin përkushtim”, u shpreh ajo.

Në një profesion që kërkon jo vetëm profesionalizëm të lartë, por edhe ndjeshmëri, durim dhe humanizëm, roli i infermiereve mbetet i pazëvendësueshëm në çdo hallkë të sistemit shëndetësor.

Më të lexuara

Vritet 27-vjeçari nga Radusha në Berlin, dy autorë ende në arrati, ja detajet e para

Në orët e para të mëngjesit të së hënës,...

LAJMI FUNDIT! Jakup Krasniqi niset nga Haga drejt Kosovës

Ish-kryetari i Kuvendit të Kosovës, Jakup Krasniqi, është nisur...

Android alarmon për tërmet 6.5 ballë, Maqedonia në zonën e rrezikut – ja çfarë ndodhi

Një paralajmërim automatik për tërmet me magnitudë fillestare prej...

Pritet vala e shkarkimeve të drejtorëve?!

Vala e ndryshimeve pas rikonstruimit qeveritar dhe plotësimit të...

Lirohen çmimet e derivateve të naftës

Çmimet me pakicë të derivateve të naftës në Maqedoninë...

Nafta dhe benzina në pritje të çmimeve të reja

Komisioni Rregullator për Energjetikë (KRRE) sot, më 13 tetor,...

Shtrenjtohet dukshëm nafta, lirohet benzina

Nafta nga mesnata do të shtrenjtohet për 5,5 denarë...

Artikuj të ngjashëm