Më 16.05.2025 në Shkup, pas një urdhri gjyqësor, zyrtarë policorë nga Sektori për Krim Kibernetik kanë kryer kontroll në shtëpinë dhe hapësira të tjera të L.K. (21) nga Shkupi, pas një hetimi paraprak për shkak të dyshimeve të bazuara për kryerje të veprave penale: “krijim, furnizim ose shpërndarje të mjeteve për falsifikim” sipas nenit 271 të Kodit Penal, vepër penale “falsifikim kompjuterik” sipas nenit 279-a, “keqpërdorim të të dhënave personale” sipas nenit 149 dhe “dëmtim dhe hyrje e paautorizuar në sistem kompjuterik” sipas nenit 251 të Kodit Penal.
Gjatë kontrollit janë gjetur dhe sekuestruar një kompjuter desktop, tre hard disqe, dy laptopë, pesë USB stikë, tre telefona mobilë, rreth 4.000 euro, fatura të pagesave, si dhe fletëpagesa të falsifikuara të parkingut të ndërmarrjes publike “Parkingjet e Komunës Qendër” dhe kartela policore me logon e MPB-së.
Pas dokumentimit të rastit, do të dorëzohet kallëzim penal në Prokurorinë Themelore Publike.