Banorët përmes emisionit “Thirre 21-shin” kërkuan që të pastrohet dhe të dënohen ndotësit, pasi siç shtojnë, kundërmon erë e keqe dhe paraqet “pamje të shëmtuar”.
-Ne pagesat i bëjmë, çdo muaj i paguajmë mbeturinat nuk vijnë t’i marrin nga 2 javë, dhe prej këtu i marrin i dërgojnë atje i hedhin. Nuk di çfarë të them këtu është bërë katastrofë. Pastaj e kanë privatizuar Treskën, e ka marrë dikush e ka privatizuar dhe i marrin i hedhin kush mundet, thksoi një banor.
-Nuk është mirë për atë zonën atje që ka erë të madhe, erë të keqe dhe shpresojmë të marrin masa komuna, tha një banor.
U.D Kryetari i Komunës së Sarajit, Iljas Veseli, përmes një paraqitjeje në emision premtoi që për 2-3 ditë deponia do të pastrohet.
“Vetëdija e ulët e bën këtë. Pastaj ne si komunë çdoherë është pastruar ajo pjesë dhe nuk frekuentohet shumë ajo pjesë dhe e gjejnë si vend i lirë dhe i hedhin në atë pjesë. Mirëpo ajo që mund të them unë është se ditëve në vijim, me përmirësimin e kushteve klimatike do të kemi aksione edhe në vende të ndryshme ku do t’i pastrojmë”, shtoi Iljas Veseli, u.d kryetar i komunës së Sarajit.
Përndryshe në sondazhin e realizuar nga TV21, ku qytetarët mund të votonin në kohë reale gjatë transmetimit të emisionit, në pyetjen se a duhet të rikonstruktohet Liqeni Treska, 92.9% votuan pro ndërsa 7.1% kundër.