Disa vendbanime të Komunës së Sarajit, janë përfshirë nga vërshimet, ku si pasojë janë dëmtuar disa rrugë lokale, ndërsa një pjesë e tokës pjellore është vërshuar nga lumejt “Vardar” dhe “Treska” .
Autoritet komunale të Sarajit janë duke punuar në teren gjatë gjithë kohës për të pastruar disa rrugë që janë mbuluar nga uji, gjatë shirave të rrëmbyeshëm mbrëmë.
Për momentin rrugët janë debllokuar dhe të kalueshme, ku më emergjente ka qenë tek qarkorja në dalje të Sarajit, ku është bërë intervenimi në pastrim të tërësishëm.
Më e vështirë është situata në tokat pjellore, ku lumi “Vardar” ka dalë nga shtrati dhe thuajse e gjithë fushë-gropa, duke filluar nga Raçja deri në Kondovë për rreth lumit është nën ujë, dhe atje për momentin nuk mund të intervenohet në asnjë formë, pritet qetësimi I situatës që më pas të bëhet edhe intervenim./derveni.info
