Sot edhe zyrtarisht kanë filluar punimet pë ndërtimin e murit mbrojtës në rrugën e vendbanimit Gllumovë.
I njejti projekt është premtuar nga kryetari i atëhershëm i Sarajit në garën e vitit 2021.

Punimet për murin mbrojtës jan bllokuar për mungesë dokumentacioni. Udhëheqesia e kaluar disa dit para zgjedhjeve të 2025 e ka nisur punën pa dokumentacion të kompletuar (mungesë e mbikqyrësit të punimeve).
Lajmin për fillimin e punimeve e dha kryetari i komunës Muhamet Elmazi.
“Sot, me shumë kënaqësi njoftojmë se kanë filluar punimet për ndërtimin e murit mbajtës prej betoni të armuar në rrugën e fshatit Glumovë, në Komunën e Sarajit.
Ky projekt është investim i Qeverisë dhe me këtë projekt synohet rritja e sigurisë në komunikacion, stabilizimi i terrenit dhe krijimi i kushteve më të mira për banorët e kësaj zone.
Komuna e Sarajit vazhdon të jetë partnere e përkushtuar në realizimin e projekteve që rrisin cilësinë e jetës dhe sigurinë e qytetarëve”, thuhet në njoftim./derveni.mk

