Profesori i Universitetit të Tetovës, Festim Halili, po qëndron në Uashington, ku ka zhvilluar një takim domethënës në United States Capitol me kongresmenin amerikan Juan Vargas, përfaqësues i Kalifornisë dhe mik i njohur i rajonit tonë.
Gjatë bisedës, kongresmeni Vargas ndau një fakt prekës nga e kaluara e tij, duke treguar se gjatë luftës në Kosovë kishte strehuar për dy vite në shtëpinë e tij një familje refugjate nga Kosova – një gjest human që dëshmon lidhjet e forta mes SHBA-së dhe popullit shqiptar.
Go+ Energy Drink
Fibau
Halili u shpreh mirënjohës për mikpritjen dhe theksoi se bashkëpunimi me miqtë amerikanë do të vazhdojë në forma të ndryshme. Ai bëri të ditur se në kuadër të kësaj vizite janë planifikuar edhe takime me institucione të arsimit të lartë, institucione qeveritare, si dhe pjesëmarrje në konferencën vjetore për siguri që mbahet në Kongres.
Po ashtu, profesori nga UT do të marrë pjesë edhe në Lutjet Nacionale të Mëngjesit, event tradicional ku pritet të jetë i pranishëm edhe presidenti amerikan Donald Trump.

