Shkolla e Mesme e Qytetit të Shkupit “Saraj” në bashkëpunim me Fondacionin ALBIZ dhe një donator, shpall konkurs për 15 nxënës për programin “Ndarjen e bursave për nxënës” për vitin shkollor 2022/23
APLIKIMI
Të drejtë për aplikim në këtë konkurs kanë nxënësit e Shkollës së Mesme të Qytetit të Shkupit “Saraj” të cilët ndjekin procesin edukativo -arsimor vetëm në këtë shkollë.
KRITERIUMET PËR APLIKIM
1. Të jenë nxënës të vitit të I, II, III dhe IV;
2. Të jenë nxënës të rregullt;
3. Të mos kenë përsëritur asnjë vit shkollor;
4. Të mos jenë shfrytëzues të bursave ose kredive nga ndonjë institucion apo ndërmarrje tjetër;
5. Të jenë nënshtetas të Republikës së Maqedonisë së Veriut;
DOKUMENTET E NEVOJSHME PËR APLIKIMIN NË KONKURS
1. Aplikacioni (merret te SHMQSH SARAJ – SHKUP);
2. CV (biografi);
3. Kopje e dëftesave të notarizuara ;
4. Vërtetim për regjistrimin e vitin shkollor 2022/2023;
5. Vërtetim prej punëdhënësit për rrogën (për të dy prindërit/kujdestarët) që janë në marrëdhënie pune/ ose fletëpagesë pensioni për anëtarët e pensionuar/ ose çekun e ndihmës sociale për personat të cilët marrin ndihmë sociale/ ose vërtetim nga Enti për punësim për personat e papunësuar, se nuk janë në marrëdhënie pune;
6. Vërtetim nga drejtoria për të ardhurat publike për të dy prindërit/kujdestarët;
7. Kopje e certifikatës të lindjes;
8. Kopje të ndonjë dokumenti identifikues (letërnjoftim, pasaportë);
Përparësi për fitimin e bursës do të kenë:
1. Nxënësit që kanë notë mesatare 4.51 apo më lartë;
2. Nxënësit që studiojnë në drejtimet: Gjimnaz, Mjekësi dhe Ekonomi;
3. Nxënësit që kanë fituar çmim të parë në garat shtetërore ose çmimin e I, të II ose të III në garat republikane ose ndërkombëtare nga fusha e shkencës, kulturës, teknikës, përkatësisht në profesionin që mësojnë.
VLERA E BURSËS
Bursat ndahen gjatë tërë vitit shkollor 2022/2023 përkatësisht 9 muaj, aq sa zgjatë viti shkollor.
VENDI DHE AFATI PËR DORËZIMIN E DOKUMENTEVE
Aplikacioni dhe dokumentet e nevojshme kandidatët duhet t’i dorëzojnë në zyrën e SHMQSH “SARAJ”-SHKUP në Saraj rr. 2 nr. 20.
Aplikimet bëhen në afatin vijues :
Prej 24.01.2023 (e martë) deri më 27.01.2023 (e premte) nga ora 10:00 deri në ora 16:00.
Gjatë dorëzimit të dokumenteve, kandidatët duhet të kenë me vete letërnjoftimin, ose ID-në e shkollës.
Shpallja e rezultateve do të bëhet pranë zyrës së SHMQSH SARAJ – SHKUP, në web faqen zyrtare si dhe ne fc.
SQARIM
1. Dokumentet duhet të dorëzohen personalisht nga vetë kandidati (përndryshe nuk do të pranohen);
2. Dokumentet që janë të pakompletuara dhe që dërgohen me vonesë, përkatësisht nuk i kanë respektuar afatet kohore të konkursit, nuk do të pranohen;
3. Dokumentet e dorëzuara nuk kthehen prapë, mbeten në arkivin e shkollës;
4. Çdo person i cili do të konkurroj do të marrë dëshmi (numër të dosjes) se i ka dorëzuar dokumentet;
5. Rezultatet do të shpallen me numra të dosjes (jo me emra);
Shëndet dhe suksese!
Me respekt,
SHMQSH “SARAJ”- SHKUP