Kombëtarja e Zvicrës e drejtuar nga trajneri Murat Yakin, ka publikuar të premten listën zyrtare për Kampionatin Evropian.
Helvetikët do të kenë punë me Skocinë, Gjermaninë dhe Hungarinë në grup.
Andi Zeqiri është lojtari i fundit që largohet nga kampi zviceran.
Ndërkohë, Granit Xhaka, Xherdan Shaqiri dhe Ardon Jashari janë lojtarët shqiptarë që janë përfshirë në listë.
Sulmuesi 24-vjeçar nga klubi belg KRC Genk do të jetë në gatishmëri nëse një lojtar nuk është i disponueshëm.
Yakin ka folur në lidhje me vendimin.
“Andi na e bëri të vështirë vendimin. Së fundmi ai ka performuar shumë mirë. Ditët stërvitore në parakamp treguan se konkurrenca është shumë e fortë edhe në ofensivë, për këtë arsye iu dha përparësi lojtarëve të tjerë”.
Kombëtarja e Zvicrës tashmë do të udhëtojë drejt Gjermanisë me tre portierë, shtatë mbrojtës dhe 16 lojtarë të mesfushës dhe sulmit.
