Talentët shqiptarë vazhdojnë të shkëlqejnë në Evropë dhe atë në sporte të ndryshme. Njëri ndër ta është Lirim Zendeli nga Dervendi Shkupit gjegjësisht nga Kondova, i cili së bashku me familje jeton në Gjermani.
Zendeli është 18 vjeç dhe shquhet në sportin, Kart Sport (Gokart) dhe pas dy vjetësh synon të hyjë në Formula3, duke shkuar edhe rrugës së legjendës botërore të garave të shpejtesisë, Michael Schumacher. Lirimi ka filluar të merret me këtë sport në moshën 10-vjecare dhe për një kohë të shkurtë ka zhvilluar talentin e tij, saqë është renditur lart për moshën e tij në Gjermani. Ai ka fituar shumë gara.
Specialistet e këtij sporti, duke e dalluar si një talent të rrallë, e ofruan në ekipin KSM, Keiser Schumacher Muchoë në vitin 2011. Ata e shohin shqiptarin me një të ardhme të ndritur, ku besojnë se mund të garoj në Formula 3. Deri me sot, familja e tij ka investuar me çka ka mundur që djali i tyre të ndjekë stërvitjet dhe garat, edhe pse shpenzimet kanë qenë shumë të shtrenjta.
Nëse Zendeli tregohet i suksesshëm në Formula 3, ka gjasa të mëdha më pas të hyjë në Formula 1, duke u bëre shqiptari i parë që garon në nivelet më të larta të këtij sporti shumë të suksesshëm dhe të shtrenjtë.
