More

    Xhamia e Mlikës në Dragash (1289), e ndërtuar nga një familje siriane, më e vjetra në Kosovë

    Xhamia e Mlikës në Dragash (1289), e ndërtuar nga një familje siriane, më e vjetra në Kosovë

    Xhamia e ndërtuar 735 vjet më parë në fshatin Mlikë të Komunës së Dragashit në jug të Kosovës është xhamia më e vjetër në vend, raporton Anadolu.

    Sipas mbishkrimit në anën e jashtme të murit të xhamisë, Xhamia e Mlikës, e cila është ndërtuar në vitin 1289, është rindërtuar në vitin 1822 nga Ahmet Aga, një nga banorët e këtij rajoni.

    Besohet se Xhamia e Mlikës është ndërtuar fillimisht nga një familje nga Halepi i Sirisë, bazuar në një dokument të marrë nga Myftinia e qytetit të Halepit.

    Xhamia, e cila është riparuar shumë herë në shekujt e kaluar, aktualisht mbrohet nga institucionet shtetërore të Kosovës.

    Nuhija Tairovci, i cili kohë pas kohe ishte imam në xhami, në një deklaratë për Anadolu theksoi se kanë një dokument të përkthyer përmes Ambasadës së Sirisë, ku qartë thuhet se xhamia është ndërtuar në këtë periudhë.

    “Natyrisht që historianët duhet ta vërtetojnë këtë, por sipas informacioneve që kemi kjo është padyshim xhamia më e vjetër në Kosovë dhe në Ballkan”, tha ai.

    Duke theksuar se nuk beson që familja e ardhur nga Siria ta ketë ndërtuar xhaminë vetëm për ta, Tairovci tha se në atë kohë kishte edhe muslimanë të tjerë nga rajoni.

    Xhamia e Mlikës, e ndërtuar para sundimit të Perandorisë Osmane në Kosovë, është xhamia më e vjetër e njohur në vend dhe ndër xhamitë më të vjetra në Ballkan.

    Xhamia e vendosur në rajonin malor të Gorës është ende aktive dhe një xhemat mjaft i mirë e frekuenton atë, veçanërisht gjatë namazit javor të xhumasë.

    - Marketing -Ajsel Medica

    TË NGJAJSHMEARTIKUJ
    Rekomanduar për ju

    spot_img

    Të fundit

    Pamje shqetësuese: Momenti me VIDEO kur i dyshuari plagosi me armë zjarri tre personat në Pejë

    Tre persona kanë mbetur të plagosur pas një përleshjeje në Pejë. Lajmin për gazetën online Reporteri.net e ka konfirmuar edhe...

    Fitore e Frontit Europian në zonën 5, konfirmohet deputeti nr.

    Pas rivotimit të ditës së sotme në Njesinë Zgjedhore 5 dhe 6 Fronti Europian mesa duket ka ruajtur mandatin...

    Dimitar Kovaçevski jep dorëheqje nga funksioni kryetar i LSDM-së

    Dimitar Kovaçevski zyrtarisht konfirmoi dorëheqjen nga pozita e kryetarit të LSDM-së, të cilën e shpalli më 8 maj, si...

    KSHZ: 45.88% është dalja deri në orën 17:00 në vendvotimet ku ka rivotim

    Deri në orën 17:00, nga gjithsej 4.514 votues të regjistruar në shtatë vendvotime, kanë votuar 2.071 ose 45,88 për...