Në shikim te parë vetëm një prej disa mijëra pjesëmarësve të Maratonës së Shkupit. Dashamir i sportit dhe natyres i cili vendos të provoj potencialin e vet në 21 km vrapim.
Zuhri Kamberi nga Radusha student i mjeksisë së përgjithshme preku zemrat e garuesve dhe publikut të eventit më të madh sportiv në vend të cilët me duartrokitje e përcollën deri në FINISH , njofton derveni.info.
“Vrapojmë drejt Gjermanisë” ishte mesazhi i cili e hodhi në plan të dytë rezultatin e shkëlqyer të arritur nga Zuhriu me kohë 1 orë 57 minuta 11 sekonda.
Mesazhi i mjekut të ardhshëm nga Radusha kishte per qëllim ngritjen e shqetësimit nga autoritetet përkatëse për ikjen e mjekëve të diplomuar nga vendi drejt Gjermanisë për një jetë më të mirë.
Neve na ngelet të shpresojmë se mesazhi ka arritur ne adresën e duhur dhë do të rezultojë me masa konkrete në ndalimin e egzodit të stafit mjeksorë drejt Gjermanisë./derveni.info
