Kabuj bakri, shina bakri dhe shufra janë vjedhur nga nënstacioni i terheqjes elektrike në Draçevë, i cili ndodhet mes stacioneve hekurudhore Lisice dhe Draçevë në Shkup. Sipas vlerësimeve fillestare, dëmi i drejtpërdrejtë material kap shifrën e rreth 5 milionë eurove, njoftoi Ministria e Transportit dhe Lidhjeve.
Nga kjo ministri bëjnë të ditur se është shkaktuar shkatërrim i plotë i një pjese të rëndësishme të pajisjeve elektro-energjetike të infrastrukturës hekurudhore, përkatësisht objekti është sjellë në gjendje plotësisht jofunksionale.
Gjatë vjedhjes janë përmbysur me dhunë dy transformatorë të mëdhenj elektro-energjetikë, secili me peshë prej mbi 30 tonësh. Nga transformatorët është nxjerrë dhe derdhur vaji i transformatorit, ndërsa mbështjellësit e bakrit dhe komponentët e tjerë me vlerë janë hequr dhe vjedhur tërësisht.
„Ky rast nuk përfaqëson vetëm një vjedhje të bakrit dhe pajisjeve, por një sulm të rëndë ndaj infrastrukturës kritike hekurudhore dhe ndaj pronës së shtetit dhe qytetarëve. Dëmtimi i me këtë shkallë i me objekteve të tilla mund të shkaktojë pasoja të rënda për sigurinë, stabilitetin dhe funksionimin e rregullt të trafficut hekurudhor“, theksojnë nga Ministria.
Ministria e Transportit u bën thirrje institucioneve kompetente që rasti të hulumtohet me urgjencë dhe në mënyrë të thuktë, si dhe kryerësit e veprës dhe të gjithë personat e përfshirë në vjedhjen, transportin dhe tjetërsimin e mëtejshëm të materialeve të vjedhura të identifikohen dhe të marrin përgjegjësinë e duhur.

