Vdekja e tre personave nga Kosova afër Bllacës siç po raportohet, është krim shtetëror!

Shkruan: Enver Robelli

Nëse është plotësisht e vërtetë çfarë po raportohet në media mbi vdekjen e tre njerëzve nga Kosova në një autostradë të papërfunduar në Maqedoni, atëherë ky është krim. Krim me paramendim. Krim shtetëror! Sipas raporteve të mediave, banorëve të fshatit Bllacë dhe familjarëve të viktimave, aksidenti fatal ka ndodhur si pasojë e MUNGESËS së sinjalistikës. Alsat njofton se rruga edhe “në pjesën e epërme edhe në fillim kur kyçemi në autostradë nuk ka asnjë shenjë përmes së cilës nënkuptohet se është e ndaluar hyrja”.

Qeveria e Kosovës duhet të kërkojë një hetim të paanshëm dhe transparent të këtij aksidenti trishtues. Tre njerëz ishin nisur nga Kosova për të marrë një familjare në Aeroportin e Shkupit dhe tani ata po kthehen në arkivole.

Papërgjegjësia e autoriteteve në punët publike kudo në Ballkan është e frikshme. Dhe shpesh vdekjeprurëse. Në janar të vitit 2024 një pjesë e pullazit të ndërtesës së komunës së Prishtinës në Dragodan u rrëzua si pasojë e erërave të forta dhe lëndoi tepër rëndë një vajzë 23-vjeçare. Ekspertët konstatuan se ndërtimi ishte bërë jashtë standardeve. Pallati i Drejtësisë në Prishtinë është inauguruar solemnisht e me pompozitet në vitin 2014. Dhe që nga atëherë ka probleme: dimrit mban acar, verës shndërrohet në saunë. Madje për shkak të temperaturave të larta disa punëtorë me sëmundje kronike këtë muaj janë liruar nga puna. Por kjo nuk është zgjidhje e problemit. Pakujdesia, papërgjegjësia, mungesa e kontrollit dhe inspektimeve kushtojnë – jetë dhe para nga buxheti.

Më të lexuara

Lirohen çmimet e derivateve të naftës

Çmimet me pakicë të derivateve të naftës në Maqedoninë...

Çmimet e reja të derivateve të naftës nga mesnata

Komisioni Rregullator për Energjetikë (KRE) në Maqedoninë e Veriut...

Pritet vala e shkarkimeve të drejtorëve?!

Vala e ndryshimeve pas rikonstruimit qeveritar dhe plotësimit të...

Pas akuzave nga BDI, flet Arben Taravari: Nuk kam pasur informacion!

Ish-ministri i Shëndetësisë, Arben Taravari, ka reaguar pas akuzave...

Kondova paguan, por mbetet në terr! Banorët kërkojnë llogari nga Komuna e Gjorçe Petrovit.

Kondova paguan, por mbetet në terr! Banorët kërkojnë llogari...

Sot shpallet aktgjykimi ndaj Hashim Thaçit dhe katër të tjerëve në Hagë

Dhomat e Specializuara të Kosovës në Hagë pritet që...

Ramizi nga Haraçina dhuron truallin në Gjermani për xhaminë (Video)

Ramiz Tahiri nga fshati Haraçinë i Shkupit ka dhënë...

Artikuj të ngjashëm