Bashkimi Demokratik për Integrim – Dega në Gostivar po vijon me aktivitetet partiake.
Siç njofton kryetari i BDI Gostivar, Valdet Xhaferi, sonte është mbajtur takimi me Kryetarët e Këshillave Vendor, Anëtarët e Kryesisë dhe Udhëheqësit e Departamenteve, me të cilët është diskutuar mbi aktivitetet e degës dhe programin partiak.
Njoftimi i plotë:
Takimi i rradhës i Shtabit Politik të Degës së BDI-së në Gostivar u mbajt sot me Kryetarët e Këshillave Vendor, Anëtarët e Kryesisë dhe Udhëheqësit e Departamenteve.
Shefi i Shtabit Politik për qytetin e Gostivarit z.Talat Xhaferi zhvilloi takimin e rradhës me një pjesë të strukturës së Degës. Ky takim kishte një karakter informativ dhe koordinues, ku u diskutua për rolin dhe përgjegjësitë e këshillave vendore dhe departamenteve në organizimin dhe realizimin e aktiviteteve politike të degës dhe shtabit politik.
Të pranishimit ndanë mendime dhe sygjerime për forcimin e strukturave dhe angazhimin më të madh të aktivistëve në nivel lokal.
Në këtë takim, u theksua rëndësia e një bashkëpunimi të ngushtë dhe të koordinuar mes Shtabit Politik dhe strukturave, për të siguruar një organizim të mirëfilltë dhe gjithëpërfshirës të të gjithë qytetarëve dhe simpatizuesve të BDI-së. Aktivitetet politike do të vazhdojnë të zhvillohen edhe ditët në vijim, përfshirë organizimin e takimeve dhe aktiviteteve që do të kontribuojnë në forcimin e BDI-së në nivel të qytetit të Gostivarit dhe përmirësimin e situatës politike.
Shtabi Politik i BDI-Dega në Gostivar, në bashkëpunim me kryetarët e këshillave vendore dhe anëtarët e tjerë, mbetet e angazhuar për të dëgjuar dhe për të përfshirë çdo kontribut nga qytetarët e Gostivarit, duke e bërë kështu politikën më afër interesave të komunitetit.
