Sot në vigjilje të 103 vjetorit të vrasjes së heroit kombëtar Isa Boletini , akush nuk u kujtua për heroin kombëtar busti i të cilit qëndron në Sheshin e Flamurit në mes të Sarajit , njofton derveni.info.
Komuna e Sarajit, organizatat e ndryshme, përfaqesusit e institucioneve tjera lokale e injoruan bustin e tij të vendosur në Sheshin e Flamurit në Saraj.
E gjithë bota shqiptare përkujton me shumë nostalgji Bacën Isë , por banoret e Sarajit e as institucionet nuk e panë të arsyeshme të vendosin lule të freskëta në bustin , që tashmë është bërë sinonim i Sheshit të Sarajit.
Isa Boletini e lidhi jetën e tij e të familjes me fatin e atdheut, dashurinë e besnikërinë ndaj të cilit e shprehu me fjalët “Unë jam mirë kur asht mirë Shqypnia”.
Më 23 janar 1916 u vra pabesisht nga shovinistët malazezë në Podgoricë, së bashku me të bijtë Halilin dhe Zahidin, nipërit Jonuzin dhe Halitin, si dhe tre luftëtarë të tjerë./derveni.info
