Shoqata për Traditë dhe Kulturë VATRA E DERVENIT është shoqatë e pamvarur , vullnetare , jo qeveritare dhe jo partiake në shërbim të qytetarëve.Kjo shoqatë vepron në të gjithë teritorin e Republikës së Maqedonisë , ku është e organizuar dhe e vendosur me qendër në Saraj , Shkup.Shoqata në fjalë me Statut e ka të përcaktuar që mund të bashkëpunoj edhe me organizata të tjera joqeveritare , fondacione dhe institucione të ndryshme , mund të ketë veprim edhe në vendet tjera të rajonit dhe më gjërë gjithmonë nên kornizat e Kushtetutës së RM dhe Statutit të saj.
Detyrat kryesore të shoqatës është të veprojë në drejtimin edukativo-arsimorë , kulturorë , si dhe në bashkëpunimin ndërqytetarë.Misoni i kësaj Shoqate është që ti motivojë qytetarët pa dallime etnike , feje apo rase , shoqatat ekologjike si dhe aktivitetet sportive , të krijojë ide të reja dhe të jep kontribut për të marë vendime të rëndësishme aty ku është e pranishme.Shoqata për Traditë dhe Kulturë VATRA E DERVENIT i ka edhe organet e veta drejtuese siç janë:
1.Parlamentin
2.Kryetarin
3.Këshillin Drejtues
4.Këshillin mbikqyrës
5.Administratë profesionale
Aktiviteti i parë i kësaj shoqate ishte dhënja e Mirënjohjeve sportistëve të dalluar si dhe në sferën e kulturës. Kontribut të jashtëzakonshëm ka edhe në vendosjen e heroit tonë kombëtarë ISA BOLETINI në Saraj ku ishte bartëse kryesore e këtij aktiviteti në bashkëpunim me komunën e Sarajit.
Në të ardhmën nga kjo Shoqatë pritet të ketë edhe aktivitete tjera në sferat e ndryshme ku ajo vepron.
