More

    Shkup, mbahet “Wizz Air Skopje Marathon” me mbi 8.500 pjesëmarrës

    Mbi 8.500 pjesëmarrës nga 51 shtete të ndryshme të botës garuan në maratonën “Wizz Air Skopje Marathon”, e cila mbahet tradicionalisht nëpër rrugët e qytetit të Shkupit me rastin e Ditës së Evropës, raporton Anadolu Agency (AA).

    Ky edicion i 13-të me një fond prej 20 mijë eurosh shënon rekord të ri të pjesëmarrësve, përkatësisht rreth një mijë më shumë se në maratonën e vitit të kaluar. Maratona tradicionale organizohet nga Qyteti i Shkupit dhe Misioni i Bashkimit Evropian në Shkup.

    Sipas organizatorëve, nga viti në vit kjo maratonë bëhet një nga ngjarjet më të vizituara dhe më interesante në Maqedoni, pasi që sipas tyre, maratona ka dimesione kulturore, ekonomike dhe turistike.

    Në maratonën e sivjemë u vrapua për tre gara, gjysmëmaratona, maratona stafetë dhe gara në 5 mijë metra, ku vrapuan edhe pjesëmarrës të garave olimpike që u mbajtën në Rio.

    Kiprotich Kirui nga Kenia për të dytin vit radhazi është fitues i maratonës së Shkupit në 42 mijë metra, i cili arriti për një periudhë kohore prej 2 orë e 12 minuta dhe 59 sekonda. Në gjysmëmaratonën në të cilën u vrapua 21 mijë metra, fitues ishte atleti Dario Ivanovski, shtetas i Maqedonisë, ndërsa në garën pesë mijë metra Bogdan Cvetkovski, poashtu shtetas i Maqedonisë.

    Ndëkohë për konkurrenceën e femrave në gjysmëmaratonë fitues janë tre motrat nga Estonia, Leila, Liina dhe Lily Luik, të cilat vrapuan dorë për dore 21 mijë metra të plota për një periudhë kohore prej 1 orë e 26 minuta dhe 7 sekonda.

    Ndërkaq, në garën pesë mijë metra për konkurrencën e femrave fituese ishte 14 vjeçarja Margo Bojaxhiev, shtetase e Maqedonisë, në vend të dytë Renata Sokolovska, poashtu maqedonase, ndërsa në vend të tretë shtetasja turke, Nağme Burguç.

    Në kuadër të “Wizz Air Skopje Marathon”, gjatë ditës së djeshme u mbajtë edhe Mini maratona e fëmijëve në partneritet me Komitetin Olimpik Maqedonas dhe UNICEF-it.

    TË NGJAJSHMEARTIKUJ
    Rekomanduar për ju

    Të fundit

    Përplasjet VMRO-Arskovska, pësojnë qytetarët

    Përplasjet VMRO-Arsovska, shkarkimet dhe dorëheqjet e drejtorëve të ndërmarrjeve publike të Qytetit të Shkupit kanë lënë një kaos prapa...

    Rrugët dytësore në Tetovë, në gjendje të keqe

    Viteve të fundit sikur është bërë rregull i pashkruar që të asfaltohen dhe të kujdesen vetëm për rrugët në...

    “Dauti Komerc” kremtoi 30 vjetorin e themelimit

    Mbrëmë në një atmosferë impozante në hapsirat e kompanisë në Saraj, "Dauti Komerc" kremtoi 30 vjetorin e themelimit dhe...

    Superekspertiza për Llaskarcën nuk është përgatitur as për 315 ditë

    Për tragjedinë e shkaktuar nga “Durmo Turs” në Llaskarcë, ku humbën jetën 16 persona, Byrosë për ekspertiza gjyqësore nuk...
    WordPress Ads