Sot me një manifestim të jashtëzakonshëm Shkolla Fillore “ Bajram Shabani “ shënoi dekadën e 4 nga hapja e saj , gjegjësisht patronatin e shkollës , njofton derveni.info
“ 40 vite përkushtim , 40 vite arsim e shkencë shumë gjenerata të dala nga ky tempull i diturisë sot ne na bën krenar.Duhet ta ruajmë edhe shumë vite të tjera dhe të gjithë bashkë të kontribojmë që nga kjo shkollë të dalin edhe shumë gjenerata tjera , ku suksesi dhe mbi të gjitha cilësia të jetë prioritet i yni, deklaroi drejtori i Shkollës Fillore “Bajram Shabani” z.Mensur Jakupi.
Karakteristikë e patronatit të sivjetëm të shkollës ishte edhe “Tradita e Kondovës” siç e kishin quajtur nxënësit e kësaj shkolle duke servirur ushqime tradicionale.
Ky patronat u zbukurua edhe më shum me performancat e nxënësve të kësaj shkolle me recitime , këngë e valle , por edhe me shpërblime të ndryshme për nxënësit më të mirë të Shkollës Fillore “ Bajram Shabani” në garat e arsimit e sportit.
Vlen të theksohet se drejtoria e shkollës nderoi me mirënjohje të gjithë afaristët dhe ata që ndihmuan pasi që kjo shkollë në tre muajt e fundit ka marë një renovim të tërësishëm dhe është zbukuruar me pamjen e saj./derveni.info
