Shoqëria Kulturore Artistike SHKA “Duflla”-Raçe, fitoi vendin e parë me folklor në edicionin e 8 të Festivalit Folklorik „Eshkë e ndezur mbi Shkëlzen“ me këngën “ Pajki molla e kuqe ra ë megje”, e interpretuar nga këngëtarët Fasli Kovaçi, Avni Hoxha dhe Zekirija Haxhiu.
SHKA “Duflla”, u prezantua edhe me dy valle, që u interpretuan nga valltarët dhe valltaret e reja, që përfituan zemrën e publikut Deçanas dhe morën shumë duartrokitje
Festivali Folklorik „Eshkë e ndezur mbi Shkëlzen“ nën patronazhin e komunës së Deçanit, organizuar për nder të rapsodëve Dervish Shaqa dhe Demush Neziri, interesimi për pjesëmarrjen ka qënë shum i madh ku në tri netët garuese shpalosën vlerat artistike kombëtare mbi 40 ansamble folklorike nga Kosova, Shqipëria, Maqedonia, Kosova Lindore, Mali i Zi dhe Çamëria.
Juria profesionale profesionale në përbërje të: Kreshnik Aliqkaj – kryetar (kompozitor), Deli Metalia – mjeshtër i madh (koreograf), Betim Qorraj –magjistër i folklorit dhe etnologjisë, Ali Geci – publicist dhe Faton Mehmetaj– publicist, ndanë shumë çmime ku vlen të theksohet se SHKA DUFLLA u vlerësua me çmimin “Pika më autentike e Festivalit“.
Nata finale e festivalit, më 6 maj, shënon dhe përvjetorin e 21-të të rënies së Heroit të Kombit- Gjeneral Luan Haradinaj.
