Nga Drejtoria e Doganave njoftojnë se gjatë ditëve të fundit janë parandaluar disa tentativa për tregti të paligjshme dhe kontrabandë, përcjell TV21. Nga Doganat thonë se është parandaluar kontrabanda e produkteve të falsifikuara nga firma të njohura të modës, ku në disa kontrolle u sekuestruan gjithsej 10.618 copë të produkteve, mes të cilave rroba dhe çanta Louis Vuitton, Armani, Gucci dhe orë Rolex. Ndërsa janë sekuestruar edhe cigare dhe para.
“Në vendkalimin kufitar Bogorodicë janë konfiskuar 37.200 cigare ose 186 paketa cigare në katër pika. Të pyetur se nga janë blerë cigaret, personat kanë deklaruar se i kanë blerë në free shop. Me këtë është penguar tentimi për vënien në qarkullim të mallit për të cilin është shmangur pagesë e taksës së importit në vlerë prej 319.177 denarëve. Parandalim për tentativë eksporti ilegal të një sasie më të madhe të parave, ose saktësisht 18.450 euro dhe shtatë mijë dollarë shtesë, të cilën një shtetas i Maqedonisë ka dashur t’i nxjerrë jashtë shtetit pa e denoncuar përmes pikës kufitare Tabanoc. Sipas ligjit, personit që mbante gjithsej 20.450 euro dhe shtatë mijë dollarë i janë kthyer dy mijë euro, ndërsa pjesa tjetër i janë konfiskuar”, thuhet mes tjerash në njoftimin e Doganave./tv21.tv
