Në adresë të qendërmbrojtësit më të mirë të KF Lepenci, Rijad Abdullahu, kanë arritur shumë oferta, pasi ai më tani ka ndërprerë bashkëpunimin me skuadrën nga Kaçaniku.
Abdullahun, shumë skuadra dëshirojnë ta kenë në radhët e tyre, si nga Maqedonia, Kosova dhe nga Shqipëria, ndërsa nuk kanë munguar në drejtim të tij edhe ofertat nga Kroacia.
Se cili do të jetë mjedisi i ri për këtë futbollistë mbetet të shihet gjatë ditëve në vazhdim, ndërsa ai ka falenderuar drejtuesit e KF Lepenci si dhe tifozët e saj të flakt “Fikshat”.
“Falenderoj kryesin e klubit për bashkpunimin dhe tifo grupin “Fikshat” për mbështetjen që kisha gjate gjithë asaj kohe sa qëndrova atje. Uroj që KF Lepenci sa më shpejtë të kthehet aty ku e ka vendin në Superligë” ka thënë”, futbollisti Rijad Abdullahu.
Ndryshe, Rijad Abdullahu ka djersitur fanellën e KF “Lepenci 1957”, gjatë këtij sezoni duke qenë titullar në të gjitha ndeshjet ku ka treguar performancë jashtëzakonisht të mirë ku tani pas ndarjes nuk kanë munguar ofertat e shumta në adresë të këtij futbollisti.