Sot me finansim të Qeverisë Turke në bashkëpunim me ministrinë e Kulturës së Maqedonisë bëhet rekonstruimi I xhamisë së vjetër të Sarajit gjegjësisht “Husein Shah”.
Mbikqyrja e realizimit të punimeve bëhet nga Qendra Nacionale për Konzervim.
Dikur tranzit-xhami, e tani në zemër të Sarajit, por që i bie të jetë periferike.Eshtë kjo Xhamia e lashtë e ‘Husein Shah’. Kjo xhami daton që nga viti 1553, ose 961 të kalendarit islam “Hixhrit”.
Themelues i kësaj xhamie në kohën e sundimit osman para 500 viteve në Maqedoni, thuhet se ka qenë turku Husein Shah, emrin e të cilit sot e kësaj dite e mban vet xhamia në periferi të Shkupit, komuna Saraj. Në Shkup e rrethinë, për këtë xhami flitet se është njëra ndër xhamitë më të vjetra në Maqedoni, Karakteristikë tjetër për xhaminë ‘Husein Shah’ është autenticiteti saj, meqë në këtë xhami asnjëherë nuk është bërë ndonjë rinovim i tërësishëm, pra ende mund të shihen ato dyer dhe ballkone të drurit, ashtu siç e kishte ndërtuar aso kohe Huseini.
Në oborrin e kësaj xhamie mund të shihet edhe varri i hafëzit të ndjerrë Rifat Salihu, i cili 60 vite shërbeu si imam i kësaj xhamie, dhe ndërroi jetë në vitin 2009.
