Rama flet sërish për dorë të huaj në protestë: “Të paudhë janë rikthyer me tërbimin e djegies”

Kryeministri Edi Rama ka reaguar sërish për protestën, duke publikuar pamje nga një biznes i dëmtuar dhe duke premtuar rimbursimin e subjekteve që kanë pësuar dëme gjatë tubimeve. Ai bëri të ditur se do të ngrihen 10 grupe nga Tatimet për të verifikuar dëmet në bizneset e vogla në Tiranë, ndërsa përmes platformës e-Albania do të krijohet një dritare ku subjektet mund të regjistrojnë dëmet dhe të dorëzojnë dokumentacionin përkatës.

 

 

Rama u shpreh se qeveria do të ndihmojë bizneset e prekura, ndërsa iu drejtua edhe studentëve që kanë dalë në protestë, duke deklaruar se zëri i tyre do të dëgjohet me respekt. Megjithatë, ai theksoi se nuk do të lejojë që të rrezikohet siguria e qytetarëve.

 

“Mos kini asnjë merak. Ne do ua bëjmë! Do bëjmë verifikime. Kemi bërë gati një dritare që do të shfaqet sot te E-Albania. Quhet Dëmi im dhe këtu mund regjistroheni, duke dhënë identitetin e personit dhe NIPT-in dhe emailin, telefonin, të dhënat dhe sipërfaqja dhe kompania e sigurimit nëse keni. Më pas do të ngarkoni dokumentet që janë pamjet, bashkë me çdo dokumentacion mbështetës që keni, fatura. Do të shihet dhe raporti që keni me shtetin, pagesat dhe detyrimet. Pasi të bëjmë verifikimet dhe të mbledhin një regjistër të dëmeve, do ju vimë në ndihmë të gjithëve. Prej ditës së sotme, biznesi i vogël që është dëmtuar nga dhuna e dorës qore, ka një dritare për t’u ndihmuar. 10 grupe verifikime nga Tatimet do të jenë në terren për të mbledhur të dhënat mbi biznesin e vogël në Tiranë. Do të jemi bashkë, me ato familje që kanë humbur pasurinë dhe do t’i kthejmë këto gërmalla në sukses. I respektoj studentët, i çmoj si motori i të parës, si shtysën për të ecur përpara. Zëri i tyre, i të rinjve që sot ka nevojë të protestojë, do të dëgjohet me respekt. Por pikërisht se të rinjtë janë e ardhmja jonë, s’do të lejoj që të rrezikohet askush. As për përfitime të atyre duarve të pista që janë kthyer për të shkatërruar, as ato duar të huaja. Përgjegjësia ime është më e qartë në këto orë të vështira. Të mbroj qytetarët tanë, të garantoj drejtësinë bashkë me këtë qeveri të shumicës, që ka të qartë mandatin e saj, atë të Shqipërisë së vitit 2030.”, tha ai.

Më të lexuara

Çmimet e reja të derivateve të naftës nga mesnata

Komisioni Rregullator për Energjetikë (KRE) në Maqedoninë e Veriut...

Lirohen çmimet e derivateve të naftës

Çmimet me pakicë të derivateve të naftës në Maqedoninë...

Kondova paguan, por mbetet në terr! Banorët kërkojnë llogari nga Komuna e Gjorçe Petrovit.

Kondova paguan, por mbetet në terr! Banorët kërkojnë llogari...

Pas akuzave nga BDI, flet Arben Taravari: Nuk kam pasur informacion!

Ish-ministri i Shëndetësisë, Arben Taravari, ka reaguar pas akuzave...

Grëçeçi mbetet pa energji elektrike, banorët kërkojnë llogari nga EVN

Banorët e fshatit Gërçeç të komunës së Sarajit po...

Përleshje e përgjakshme në një kazino në Tetovë, 2 persona përfundojnë spital

Një përleshje fizike në një kazino në Tetovë ka...

Artikuj të ngjashëm