Prokuroria zbulon detaje tronditëse: Shoferi 31 vjeçar i droguar në timon, shkaktoi aksidentin me pasojë vdekjen e 19 vjeçarit në Shkup

Prokurori publik nga Prokuroria Themelore Publike e Shkupit ka nxjerrë urdhër për zhvillimin e procedurës hetimore ndaj një personi, për të cilin ekziston dyshimi i bazuar se ka kryer veprën penale “Vepra të rënda kundër sigurisë së njerëzve dhe pasurisë në komunikacion”.

 

Sipas Prokurorisë, i dyshuari 31-vjeçar mbrëmë në orët e mbrëmjes po drejtonte një automjet Audi A4 në bulevardin “Nikola Karev”. Kur arriti në kryqëzimin me rrugën “Prohor Pçinski”, ai nuk e respektoi sinjalizimin rrugor dhe kaloi mbi vijën e dyfishtë të plotë, duke hyrë në korsitë e qarkullimit për automjetet që vinin nga drejtimi i kundërt, me qëllim kthimin majtas në kryqëzim.

 

Po ashtu, në kundërshtim me Ligjin për Sigurinë në Komunikacion, ai drejtonte automjetin nën ndikimin e substancave narkotike.

 

Duke mos respektuar rregullat e komunikacionit, i dyshuari ka rrezikuar me vetëdije sigurinë publike dhe jetën e njerëzve. Me pjesën e përparme të automjetit ai u përplas me një motoçikletë BMW, ndërsa në pjesën e pasme të automjetit u përplas një motoçikletë Honda HDV, të cilat po lëviznin paralelisht nga drejtimi i kundërt.

 

Si pasojë e përplasjes së fortë, drejtuesi i motoçikletës BMW pësoi lëndime të rënda trupore, nga të cilat ndërroi jetë.

 

Duke marrë parasysh rrezikun e arratisjes, mundësinë për të ndikuar te dëshmitarët ose për të përsëritur veprën, prokurori publik i ka propozuar gjyqtarit të procedurës paraprake në Gjykatën Themelore Penale të Shkupit caktimin e masës së paraburgimit për të dyshuarin.

Më të lexuara

Lirohen çmimet e derivateve të naftës

Çmimet me pakicë të derivateve të naftës në Maqedoninë...

Çmimet e reja të derivateve të naftës nga mesnata

Komisioni Rregullator për Energjetikë (KRE) në Maqedoninë e Veriut...

Pritet vala e shkarkimeve të drejtorëve?!

Vala e ndryshimeve pas rikonstruimit qeveritar dhe plotësimit të...

LIGJI I RI PËR MARRËDHËNIE PUNE: Trajtim të barabartë të punëtorëve

Qëllimi është të krijojmë një zgjidhje ligjore që do...

Xhaferi për vizitë në Komunën e Manastirit

Kryeministri Talat Xhaferi sot do ta vizitojë Komunën e...

Grubi: 3 milionë euro për ndërtimin e rrugës “Hasan Prishtina” në Vizbeg

Shkup, 6 prill- Qeveria tashmë i ka ndarë 3...

Po e tall që nga mbrëmë, Mozzik i përgjigjet Noizyt

Këngëtari i njohur Mozzik, i shoqëruar nga avokati i...

Artikuj të ngjashëm