Si rrallëherë në ndonjë proces zgjedhor në Kosovë, sonte ueb-faqja e Komisionit Qendror Zgjedhor ka qenë plotësisht e dështuar.
Rezultatet e këtyre zgjedhjeve nuk po arrijnë të dihen për shkak se kjo ueb-faqe është tërësisht jashtë sistemit.
Lexo edhe:
Bie faqja online e KQZ në Kosovë/ Zëdhënësi Elezi: Ka mbingarkesë në sistem, të dhënat po mblidhen nga terreni!
Nuk dihet se çfarë po ndodhë ndërsa nga KQZ-ja është thënë se kanë probleme teknike.
Në lidhje me këtë zhvillim mjaft shqetësuese për demokracinë në votën e lirë në vend pati edhe reagime të shumta.
Sipas lajmi.net, tashmë është kërkuar edhe hetim brenda Prokurorisë së Shtetit.
Në lidhje me këtë për media nuk është dhënë asnjë deklarim nga ana e Policisë apo Prokurorisë së Shtetit.
Që nga ora 19:00 kur edhe janë mbyllur qendrat e vendvotimeve dhe ka filluar numërimi i votave KQZ-ja ka vazhdimisht probleme me ueb-faqe dhe rezultatet herë publikohen, herë shumëfishohen për disa parti e herë bien krejtësisht.
Kjo çfarë ndodhi sonte me ueb-faqen e KQZ-së në fakt është shqetësuese për gjithë procesin zgjedhor dhe atë të rezultateve nga këto zgjedhje tejet të rëndësishme për vendin.