Trajneri i San Antonio Spurs, Gregg Popovich, ka ripërsëritur se ekipi më i mirë në kampionatin më të fortë në botë mbetet Golden State Warriors.
Edhe pse ekipi i tij e mposhti keq Golden Staten në fillim të sezonit dhe është vetëm dy fitore larg vendit të parë, Popovich vazhdon të mendojë se loja e Golden State është e një niveli tjetër.
Ai e përshkruan rivalin kryesor të ekipit të tij për titullin dhe finalet e NBA si “të bukur”.
“Ata janë në një nivel tjetër me pjesën tjetër prej neve, ekipeve tjera”.
“Ata janë thjesht të bukur për t’u shikuar”, u shpreh Popovich.
E gjithë bota e basketbollit vazhdon që të shpresojë te Popovich që të gjejë formulën për të larguar nga froni Golden State, që është pa dyshim ekipi më i fortë në NBA tash e disa vite.
