“Nuk mbulohet dielli me shoshë”, reagon Fetai: BDI/AKI-së i urojmë opozitë të gjatë

Zëvendëskryeministri dhe njëri nga liderët e VLEN, Arben Fetai ka komentuar procesin e mbylljes së zgjedhjeve lokale.

Sipas Fetait, fitorja në Gostivar dhe Vrapçisht nuk mund të shitet si triumf i opozitës, sepse VLEN është fitues i pakontestueshëm i zgjedhjeve të 19 tetorit me 10 komuna të fituara dhe kjo përbën fakt të qartë.

Opozitës, shton ai, gjithçka i shkoi huq, së pari me Frontin, pastaj AKI-në dhe në fund me referendumin.

“Gjatë gjithë vitit dëgjuam e pamë gjithçka nga një opozitë e çoroditur. Njëherë bërtisnin si “Front” pse përfunduan në opozitë. Pastaj si AKI me planin e Grubit, përmes doktorit, tentuan të prodhonin zgjedhje. U doli huq.

Më pas shpikën “referendumin”, duke shëtitur komunë më komunë e duke bërtitur se “shqiptarët shkuan poshtë”. Ndërkohë, aty ku shkonin të bënin teatër, ujë nuk kishte, e për rrugë as që bëhej fjalë”, thekson Fetai.

 

I gjithë ky rrëfim, shprehet Fetai u përmbys më 19 tetor dhe 2 nëntor me 10 komuna të fituara në konto të VLEN-it.

 

“Po tani, me fitoren në Gostivar dhe me të njëjtën logjikë edhe në Vrapçisht, duan ta shesin si triumf e me i ra kapak muhabetit. Por s’mbulohet dielli me shoshë.

E kur jemi te Vrapçishti, Zul Demiri shkoi mbi 3 mijë vota, një djalë i ndershëm dhe i pastër për të cilin Vrapçishti mund të krenohet. Sa për Gostivarin, fitorja nuk e shlyen borxhin 30 milionë euro”, thekson Fetai.

 

Për fund ai ka këtë mesazh për opozitën: mashtrimi politik kurrë s’ka qenë recetë për shtigje të gjata. Prandaj BDI/AKI-së i urojmë vetëm një gjë: opozitë të gjatë, thekson Fetai.

Më të lexuara

Ndahet nga jeta i riu nga Saraji, Huseijn Alija

Me pikëllim të thellë është pritur lajmi për ndarjen...

Pagoi mbi 338 mijë denarë për shtëpinë e re – mjeshtri nga Matka e Epërme u zhduk me paratë

Një 46-vjeçar nga rajoni i Shkupit ka denoncuar në...

Skandal në „Higjiena Komunale“ – Shkup: Punonjësi humb vetëdijen nga kërcënimet, policia gjen pistoletë në veturën e shefit

Një udhëheqës sektori në Ndërmarrjen Publike „Higjiena Komunale“ është...

Gjimnazisti nga Saraji promovoi librin e parë

Sot në shkollën e mesme në Saraj, një nxënës...

8 të arrestuar, sekuestrohen rreth 50 mijë euro! Aksion policor për dyshime për krim në operacionet e syve

Aksioni i policisë përfundoi me prangosjen e 8 personave,...

Nesër pa rrymë një pjesë e Sarajit

Në Komunën Saraj, prej orës 08:30 deri në orën...

Drejtorët e “Dauti-Komerc”, në konferencën ekonomike “Ekonomia shpëtonë Luginën”

Në konferencën e ekonomike me temë “ Ekonomia shpëtonë...

Artikuj të ngjashëm