Ndahet nga jeta Nuri Bajrami, një nga emrat e njohur të gazetarisë dhe jetës publike në Gostivar

Në moshën 66-vjeçare ka ndërruar jetë Nuri Bajrami nga Gostivari, një personalitet i respektuar që la gjurmë në gazetari, administratën publike dhe institucionet e shtetit.

 

Nuri Bajrami do të kujtohet si një njeri me integritet, parime të forta dhe përkushtim të jashtëzakonshëm në çdo detyrë që ushtroi. Ai ishte ndër bashkëpunëtorët dhe punonjësit më të vlerësuar të “TV2”, ku për rreth një dekadë shërbeu si gazetar dhe kryeredaktor, duke dhënë një kontribut të çmuar në informimin profesional dhe zhvillimin e medias.

 

Përveç angazhimit në gazetari, Bajrami ishte jurist me profesion ndërsa detyrën e ushtroi për vite të tëra në Komunën e Gostivarit. Më pas, ai kontribuoi edhe në Komisionin Shtetëror për Parandalimin e Korrupsionit, ku mbajti postin e nënkryetarit, duke u angazhuar për forcimin e integritetit institucional dhe luftën kundër korrupsionit.

 

Largimi i tij është një humbje e madhe për familjen, miqtë, kolegët dhe të gjithë ata që e njohën e bashkëpunuan me të. Ai do të mbahet mend për profesionalizmin, korrektësinë, ndershmërinë dhe respektin që gëzonte në shoqëri.

Familja Bajrami njofton se varrimi i të ndjerit do të bëhet sot, me namazin e ikindisë.

Ngushëllimet më të sinqerta familjes Bajrami, të afërmve, miqve dhe kolegëve. U prehtë në paqe.

Më të lexuara

Lirohen çmimet e derivateve të naftës

Çmimet me pakicë të derivateve të naftës në Maqedoninë...

Çmimet e reja të derivateve të naftës nga mesnata

Komisioni Rregullator për Energjetikë (KRE) në Maqedoninë e Veriut...

Pritet vala e shkarkimeve të drejtorëve?!

Vala e ndryshimeve pas rikonstruimit qeveritar dhe plotësimit të...

Pas akuzave nga BDI, flet Arben Taravari: Nuk kam pasur informacion!

Ish-ministri i Shëndetësisë, Arben Taravari, ka reaguar pas akuzave...

Kondova paguan, por mbetet në terr! Banorët kërkojnë llogari nga Komuna e Gjorçe Petrovit.

Kondova paguan, por mbetet në terr! Banorët kërkojnë llogari...

Sot shpallet aktgjykimi ndaj Hashim Thaçit dhe katër të tjerëve në Hagë

Dhomat e Specializuara të Kosovës në Hagë pritet që...

Ramizi nga Haraçina dhuron truallin në Gjermani për xhaminë (Video)

Ramiz Tahiri nga fshati Haraçinë i Shkupit ka dhënë...

Artikuj të ngjashëm