Shkupi pritet të përjetojë një ndryshim dramatik të motit këtë javë, me temperatura që do të variojnë ndjeshëm. Fillimisht, qytetarët do të gëzojnë një mot të ngrohtë dhe me diell, me temperaturat që do të lëvizin nga një minimum prej 11 gradë deri në një maksimum prej 30 gradë Celsius. Kjo periudhë e qetësisë meteorologjike do të shoqërohet me erëra të lehta veriore.
Megjithatë, sipas njoftimeve të fundit nga HMRC, pritet që të martën natën dhe veçanërisht të mërkurën, moti të ndryshojë drastikisht. Një masë ajrore e lagësht dhe e paqëndrueshme do të sjellë reshje të dendura shiu, të cilat pritet të jenë lokale dhe të formojnë stuhi. Këto stuhi do të shoqërohen me bubullima dhe erë të fortë. Reshjet e shiut do të vazhdojnë sporadikisht edhe në dy ditët pasuese, ndërsa temperaturat do të bien ndjeshëm duke filluar nga e mërkura./tvklan.mk/
