Mbipopullohen burgjet në Maqedoninë e Veriut, drejtori i Idrizovës kërkon amnisti

Burgjet në Maqedoninë e Veriut po përballen me problemin e mbipopullimit, për shkak të të cilit është rikthyer në diskutim çështja e zbatimit më të gjerë të masave alternative dhe mundësia e amnistisë për kategori të caktuara të personave të dënuar.

 

 

Sipas të dhënave të publikuara nga “360 Stepeni”, në burgun e Idrizovës janë të vendosur 1.296 të dënuar, ndonëse kapaciteti i institucionit është 1.187 vende. Në burgun e Shtipit ndodhen 211 persona të dënuar, ndërsa kapaciteti është 139 vende. Në burgun e Prilepit janë të vendosur 134 persona, megjithëse janë paraparë vetëm 108 vende.

 

Drejtori i burgut të Idrizovës, Zoran Jovanovski, thekson se rritja e numrit të të burgosurve shton edhe shpenzimet për akomodim, ushqim, ujë dhe energji elektrike. Ai paralajmëron se do t’u dorëzojë institucioneve kompetente analiza mbi efektet e mundshme të një amnistie.

 

“Do të ishte mirë që të jepej sërish një lloj amnistie për disa vepra të caktuara penale, në mënyrë që të zvogëlohej numri i të burgosurve. Megjithatë, kjo mbetet çështje e politikanëve”, deklaroi ai për “360 Stepeni”.

 

Si një nga zgjidhjet e mundshme afatgjata përmendet zbatimi më i gjerë i sanksioneve alternative, ndër të cilat edhe probacioni – një masë që u mundëson personave të dënuar të qëndrojnë të lirë, nën mbikëqyrje dhe duke përmbushur detyrimet e përcaktuara nga institucionet kompetente.

Më të lexuara

Çmimet e reja të derivateve të naftës nga mesnata

Komisioni Rregullator për Energjetikë (KRE) në Maqedoninë e Veriut...

Lirohen çmimet e derivateve të naftës

Çmimet me pakicë të derivateve të naftës në Maqedoninë...

Kondova paguan, por mbetet në terr! Banorët kërkojnë llogari nga Komuna e Gjorçe Petrovit.

Kondova paguan, por mbetet në terr! Banorët kërkojnë llogari...

Pas akuzave nga BDI, flet Arben Taravari: Nuk kam pasur informacion!

Ish-ministri i Shëndetësisë, Arben Taravari, ka reaguar pas akuzave...

Grëçeçi mbetet pa energji elektrike, banorët kërkojnë llogari nga EVN

Banorët e fshatit Gërçeç të komunës së Sarajit po...

Përleshje e përgjakshme në një kazino në Tetovë, 2 persona përfundojnë spital

Një përleshje fizike në një kazino në Tetovë ka...

Artikuj të ngjashëm